തൃശൂർ: തിരുവനന്തപുരത്ത് നടന്ന സംസ്ഥാന ബാല പാർലമെന്റിൽ ജില്ലയിൽ നിന്ന് 11 കുട്ടികൾ പങ്കെടുത്തു. കുടുംബശ്രീ മിഷന്റെ ബാലസഭയിലെ കുട്ടികൾ പഞ്ചായത്ത് തലത്തിലും ജില്ലാ തലത്തിലും പങ്കെടുത്ത് വിജയിച്ചവരെയാണ് സംസ്ഥാന ബാലപാർലമെന്റിലേക്ക് തെരഞ്ഞെടുത്തത്. ആദ്യ അനിൽ (ഗുരുവായൂർ), അനീറ്റ ബൈജു (കൊരട്ടി), ആദർശ് കെ.എം (എസ് എൻ പുരം), ദേവനന്ദ് (പടിയൂർ), ലക്ഷ്മി എം.പി (ചേലക്കര), മുഹമ്മദ് അദ്‌നാൻ (പെരിഞ്ഞനം), കെ.പി. നിവേദിക (കടങ്ങോട്), നിവേദ്യ ജയൻ (ചാലക്കുടി), കെ . റോഷ്‌ന (തൃശൂർ), സ്റ്റെവിൻ ജോർജ് (കോലഴി), ശ്രീനന്ദന (തെക്കുംകര) എന്നിവരാണ് പങ്കെടുത്തത്. സംസ്ഥാന പാർലമെന്റിലേക്ക് ജില്ലയിൽ നിന്ന് ശ്രീനന്ദനയെ എ.ഡി.സി ആയി തിരഞ്ഞെടുത്തു. പാർലമെന്റിൽ ആദ്യമായി സത്യപ്രതിജ്ഞ ചെയ്യുന്ന അംഗമായി തൃശൂർ മണ്ഡലത്തിൽ നിന്നും ആദ്യ അനിലിനെ തിരഞ്ഞെടുത്തു. ചോദ്യോത്തര വേളയിൽ സംസാരിക്കുന്നതിനായി അനിത ബൈജു, െ്രസ്രവിൻ ജോർജ്, റോഷ്‌ന, നിവേദ്യ, നിവേദിക എന്നിവർക്ക് അവസരം ലഭിച്ചു.