ചിറയിൻകീഴ്: എസ്.എൻ.ഡി.പി യോഗം ചിറയിൻകീഴ് യൂണിയന്റെ നേതൃത്വത്തിൽ വിവിധ ശ്രീനാരായണ പ്രസ്ഥാനങ്ങൾ സംയുക്തമായി നടത്തുന്ന താലൂക്ക് തല ശിവഗിരി മഹാ തീർത്ഥാടന വിളംബര പദയാത്ര 25ന് നടക്കും. രാവിലെ 8.30ന് ശാർക്കര ശ്രീനാരായണ ഗുരുക്ഷേത മണ്ഡപത്തിൽ നടക്കുന്ന ചടങ്ങിൽ പദയാത്ര ക്യാപ്ടന് പീതപതാക കൈമാറുന്നതോടെ വിളംബരയാത്ര ശിവഗിരിയിലേക്കു പുറപ്പെടും. പദയാത്രയ്ക്ക് മുന്നോടിയായി 17ന് രാവിലെ 9.30ന് സഭവിള ആശ്രമാങ്കണത്തിലെ ഗുരു പ്രതിഷ്ഠ സന്നിധിയിൽ പഞ്ചശുദ്ധി വ്രതാനുഷ്ഠാനങ്ങളുടെ ഭാഗമായുള്ള പീതാംബരദീക്ഷ സമർപ്പണം ക്ഷേത്രാചാര്യൻ തിരുനെല്ലൂർ കാശിമഠം പി.ബിജു പോറ്റി ഗുരു വിശ്വാസികൾക്കു കൈമാറി നിർവഹിക്കും. സഭവിള ശ്രീനാരായണാശ്രമം ലൈബ്രറി ഹാളിൽ നടന്ന സംയുക്ത സമ്മേളനം യൂണിയൻ പ്രസിഡന്റ് സി.വിഷ്ണുഭക്തൻ ഉദ്ഘാടനം ചെയ്തു. വൈസ് പ്രസിഡന്റ് പ്രദീപ് സഭവിള അദ്ധ്യക്ഷത വഹിച്ച ചടങ്ങിൽ യൂണിയൻ സെക്രട്ടറി ശ്രീകുമാർ പെരുങ്ങുഴി,എസ്.എൻ ട്രസ്റ്റ് ലൈഫ് മെമ്പർമാരായ ഡോ.ബി.സീരപാണി, ആർ.എസ്.ഗാന്ധി കടയ്ക്കാവൂർ, യോഗം ഡയറക്ടർ അഴൂർ ബിജു, വനിതാസംഘം കോഓർഡിനേറ്റർ രമണി ടീച്ചർ വക്കം, കൗൺസിലർമാരായ സി.കൃത്തിദാസ്, ഡി.ചിത്രാംഗദൻ, ഗുരുക്ഷേത്ര ഗുരുമണ്ഡപ സമിതി ജില്ലാപ്രസിഡന്റ് ബൈജു തോന്നയ്ക്കൽ, ജോയിന്റ് സെക്രട്ടറി സുരേഷ് തിട്ടയിൽ, ആശ്രമ കാര്യദർശി ഡി. ജയതിലകൻ, എസ്.എൻ ട്രസ്റ്റ് ബോർഡ് അംഗങ്ങളായ അൻവിൻ മോഹൻ, അജീഷ് കടയ്ക്കാവൂർ, കെ.പുഷ്കരൻ, ജോഷ് കീഴാറ്റിങ്ങൽ, സത്യപാലൻ കവലയൂർ, പി.എസ്. ചന്ദ്രസേനൻ, രാമചന്ദ്രൻ മുട്ടപ്പലം, വനിതസംഘം യൂണിയൻ പ്രതിനിധികളായ ലതികപ്രകാശ്, ഷീലസോമൻ, ഉദയകുമാരി വക്കം, കീർത്തികൃഷ്ണ, ശ്രീജ അജയൻ, നിമ്മി ശ്രീജിത്ത് എന്നിവർ പങ്കെടുത്തു. താലൂക്കുതല പദയാത്ര സംഘാടക സമിതി ഭാരവാഹികളായി ഡോ.ബി.സീരപാണി, ആർ.എസ്.ഗാന്ധി കടയ്ക്കാവൂർ (മുഖ്യ രക്ഷാധികാരികൾ), സി.വിഷ്ണുഭക്തൻ (ചെയർമാൻ), ശ്രീകുമാർ പെരുങ്ങുഴി (ജന.കൺവീനർ), പ്രദീപ് സഭവിള (ട്രഷറർ), ബൈജു തോന്നയ്ക്കൽ (ജോ.കൺവീനർ), അഴൂർ ബിജു, ഡി.ചിത്രാംഗദൻ, സി.കൃത്തിദാസ് (വൈസ് ചെയർമാന്മാർ) എന്നിവരും യൂണിയൻ കൗൺസിലർമാരും ശാഖായോഗം ഭാരവാഹികളും കൺവീനർമാരുമായി 501അംഗ സമിതി രൂപീകരിച്ചു.