വൈക്കം:ഊട്ടുപുരയിൽ കിടന്നുറങ്ങിയ യുവാവിന്റെ മൊബൈൽ ഫോൺ മോഷ്ടിച്ചയാൾ അറസ്റ്റിൽ. ടി.വിപുരം കോട്ടച്ചിറ നികർത്തിൽ നിജീഷ് (കണ്ണൻ,36) നെയാണ് വൈക്കം പൊലീസ് അറസ്റ്റ് ചെയ്തത്. വൈക്കം ക്ഷേത്രത്തിലെ ഊട്ടുപുരയിൽ കിടന്നുറങ്ങുകയായിരുന്ന യുവാവിന്റെ 37,000 രൂപ വില വരുന്ന മൊബൈൽ ഫോണാണ് മോഷണംപോയത്. പരാതിയെ തുടർന്ന് പൊലീസ് കേസെടുത്ത് നടത്തിയ അന്വേഷണത്തിലാണ് ഇയാൾ പിടിയിലായത്. എസ്.എച്ച്.ഒ രാജേന്ദ്രൻ നായർ, എസ്.ഐമാരായ കുഞ്ഞുമോൻ, ബി.സിജി എന്നിവർ ചേർന്നാണ് അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.