കൊടുങ്ങല്ലൂർ : കുളിമുറിയിൽ ഒളിക്യാമറ വച്ച യുവാവ് അറസ്റ്റിലായി. മൊബൈൽ ഫോൺ ഉപയോഗിച്ച് ദൃശ്യങ്ങൾ പകർത്തിയ അഴീക്കോട് പുത്തൻചാൽ റഷീദ് (38) ആണ് അറസ്റ്റിലായത്. കഴിഞ്ഞ ശനിയാഴ്ച 11 മണിയോടെയാണ് കേസിനാസ്പദമായ സംഭവം ഉണ്ടായത്. യുവതി കുളിക്കുന്ന സമയം കുളിമുറിയുടെ മുകളിലായി മൊബൈൽ ഫോൺ കണ്ട് ഇറങ്ങി നോക്കിയപ്പോൾ പ്രതിയായ റഷീദ് അവിടെ നിന്നും ഓടിപോവുകയായിരുന്നു. യുവതിയുടെ പരാതിയിൽ കൊടുങ്ങല്ലൂർ പൊലീസ് സ്റ്റേഷനിൽ കേസ് രജിസ്റ്റർ ചെയ്ത് അന്വേഷണം നടത്തിവരവെയാണ് പ്രതി അറസ്റ്റിലായത്. ഇൻസ്‌പെക്ടർ ഇ.ആർ. ബൈജുവിന്റെ നേതൃത്വത്തിൽ, എസ്.ഐ: ഹരോൾഡ് ജോർജ്, സി.പി.ഒ: ബിനിൽ എന്നിവർ അന്വേഷണ സംഘത്തിൽ ഉണ്ടായിരുന്നു.