നെയ്യാറ്റിൻകര: ലോക മനുഷ്യാവകാശ ദിനാചരണത്തിന്റെ ഭാഗമായി കേരളകൗമുദി ബോധപർണമി ക്ലബ്, ലയൻസ് ഇന്റർനാഷണൽ 318എ, ജനമൈത്രി പൊലീസ് എന്നിവർ സംയുക്തമായി ഒറ്റശേഖരമംഗലം ജനാർദ്ദനപുരം ഹയർ സെക്കൻഡറി സ്കൂളിൽ നിയമ, ലഹരി, സൈബർ ബോധവത്കരണ സെമിനാർ സംഘടിപ്പിക്കുന്നു. നാളെ രാവിലെ 10ന് നടക്കുന്ന പരിപാടി കാട്ടാക്കട ഡിവൈ.എസ്.പി ഷിബു. എൻ ഉദ്ഘാടനം ചെയ്യും. പി.ടി.എ പ്രസിഡന്റ് ഷാജു ജേക്കബ് അദ്ധ്യക്ഷനാകും. ഹെഡ്മാസ്റ്റർ എം.എസ്. ആദർശ് കുമാർ സ്വാഗതം ആശംസിക്കും. കേരള കൗമുദി തിരുവനന്തപുരം യൂണിറ്റ് ചീഫ് എസ്. വിക്രമൻ ബോധ പൗർണമി സന്ദേശം നൽകും. ലയൺസ് ഡിസ്ട്രിക്ട് ഗവർണർ ബി. അജയ്യ കുമാർ മുഖ്യ അതിഥിയാകും. ആശംസകൾ അർപ്പിച്ചുകൊണ്ട് സ്കൂൾ രക്ഷാധികാരി അഡ്വ.ജെ. വേണുഗോപാലൻ നായർ, അഡ്വ.എസ്. ശ്രീകുമാരി അമ്മ, വേൾഡ് ഹ്യൂമൻ റൈറ്റ്സ് ഡേ ഡിസ്ട്രിക്ട് ചെയർമാൻ അഡ്വ. ആർ.എസ്. ഹരി കുമാർ, ജനമൈത്രി പൊലീസ് ഡ്രാമ ടീം ലീഡർ സബ് ഇൻസ്പെക്ടർ നസ്രുദീൻ. എ, കേരള കൗമുദി അസിസ്റ്റന്റ് മാനേജർ (പി.എം.ഡി) കല.എസ്.ഡി തുടങ്ങയവർ സംസാരിക്കും. തുടർന്ന് ജനമൈത്രി പൊലീസിന്റെ നാടകം.