വർക്കല: മദ്ധ്യവയസ്‌കനെ ആക്രമിച്ച് സ്വർണമാല കവർന്ന കേസിൽ യുവാക്കളെ വർക്കല പൊലീസ് പിടികൂടി. ചിലക്കൂർ തൊട്ടിപ്പാലം ഫർസാന മൻസിലിൽ സബീർ (39), ചിലക്കൂർ എൽ.പി സ്കൂളിന് സമീപം സബിൽ (32) എന്നിവരാണ് അറസ്റ്റിലായത്. വ്യാഴാഴ്ച വൈകിട്ട് 6ഓടെ വർക്കല മൈതാനത്ത് സ്വകാര്യ ബാറിന് സമീപത്താണ് സംഭവം. കണ്ണംമ്പ ജനതമുക്ക് സ്വദേശി അജിമോനെ പ്രതികൾ ഇരുവരും ചേർന്ന് മർദ്ദിക്കുകയും നിലത്തുവീണ ഇയാളുടെ കഴുത്തിൽ കിടന്ന 90,000 രൂപ വിലവരുന്ന സ്വർണമാല പ്രതികൾ കവർന്നതായുമാണ് പരാതി. ആക്രമണത്തിൽ ഇയാളുടെ ചെവിയിലും മുഖത്തും പരിക്കേറ്റു. വർക്കല സ്റ്റേഷൻ പരിധിയിൽ ആട് മോഷണം ഉൾപ്പടെ ആറോളം കേസുകളിൽ പ്രതികളാണ് ഇവർ. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.