വർക്കല : ചാരായംവാറ്റ് നടത്തിവന്ന യുവാവിനെ വർക്കല എക്സൈസ് പിടികൂടി. വടശ്ശേരിക്കോണം കാണവിള വീട്ടിൽ കുട്ടപ്പൻ എന്ന് വിളിക്കുന്ന അഖിൽ ദാസ് (36) ആണ് പിടിയിലായത്. ഒറ്റയ്ക്ക് താമസിക്കുന്ന ഇയാൾ വീട്ടിൽ ചാരായംവാറ്റ് നടത്തുന്നുവെന്ന

രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. 205 ലിറ്റർ കോടയും 2 ലിറ്റർ ചാരായവും വാറ്റ് സാമഗ്രികളും ഇയാളുടെ വീട്ടിൽ നിന്നു എക്സൈസ് കണ്ടെടുത്തു. ക്രിസ്മസ്, ന്യൂ ഇയർ ആഘോഷവേളയിൽ വിൽപ്പനയ്ക്കുള്ള തയ്യാറെടുപ്പിലായിരുന്നു ഇയാളെന്ന് എക്സൈസ് വർക്കല റെയിഞ്ച് സർക്കിൾ ഇൻസ്‌പെക്ടർ ഷാജഹാൻ പറഞ്ഞു.