തിരുവനന്തപുരം: ബി.ജെ.പി സംസ്ഥാന ഉപാദ്ധ്യക്ഷനായി നടൻ ദേവനെ നിയോഗിച്ചു. സംസ്ഥാന അദ്ധ്യക്ഷൻ കെ.സുരേന്ദ്രനാണ് വാർത്താക്കുറുപ്പിലൂടെ ഇക്കാര്യം അറിയിച്ചത്. ഇതോടെ ബി.ജെ.പിക്ക് സംസ്ഥാനത്ത് 11 വൈസ് പ്രസിഡന്റുമാരായി.

2004ൽ കേരള പീപ്പിൾസ് പാർട്ടി രൂപീകരിച്ച ദേവൻ,​ 2021ൽ ബി.ജെ.പിയിൽ ലയിപ്പിച്ചു. കെ.സുരേന്ദ്രൻ നയിച്ച വിജയ യാത്രയുടെ സമാപനത്തിൽ ദേവനെയും പാർട്ടിയെയും കേന്ദ്ര ആഭ്യന്തരമന്ത്രി അമിത് ഷായാണ് ബി.ജെ.പിയിലേക്ക് സ്വീകരിച്ചത്. രണ്ടു തിരഞ്ഞെടുപ്പുകളിൽ ദേവൻ മത്സരിച്ചിട്ടുണ്ട്.

അതേസമയം തി​ര​ഞ്ഞെ​ടു​പ്പി​ൽ​ ​സീ​റ്റ് ​ല​ഭി​ക്കാ​ന​ല്ല​ ​ബി.​ജെ.​പി​യി​ൽ​ ​ചേ​ർ​ന്ന​തെ​ന്ന് ​ന​ട​ൻ​ ​ദേ​വ​ൻ​ ​പ​റ​ഞ്ഞു.​ ​ഇ​ത്ത​വ​ണ​ ​മ​ത്സ​രി​ക്കാ​നി​ല്ല.​ ​സു​രേ​ഷ് ​ഗോ​പി​ ​വി​ജ​യി​ക്കു​മെ​ന്നാ​ണ് ​പ്ര​തീ​ക്ഷ.