ബാലരാമപുരം: പള്ളിച്ചൽ പഞ്ചായത്ത് ഭരണസമിതിയുടെ അഴിമതിയും കെടുകാര്യസ്ഥതക്കെതിരെ പള്ളിച്ചൽ,​ നരുവാമൂട് കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ ഈ മാസം 20ന് മാർച്ച് നടത്തും. പ്രാവച്ചമ്പലം ജംഗ്ഷനിൽ നിന്നും മാർച്ച് ആരംഭിക്കും. തുടർന്ന് പഞ്ചായത്ത് ഓഫീസിന് മുന്നിൽ സംഘടിപ്പിക്കുന്ന ധർണ കെ.പി.സി.സി വൈസ് പ്രസിഡന്റ് എൻ. ശക്തൻ ഉദ്ഘാടനം ചെയ്യും. പള്ളിച്ചൽ മണ്ഡലം പ്രസിഡന്റ് പൂങ്കോട് സുനിൽകുമാർ അദ്ധ്യക്ഷത വഹിക്കും. നരുവാമൂട് മണ്ഡലം പ്രസിഡന്റ് മൊട്ടമൂട് അമ്പിളി സ്വാഗതം പറയും. കെ.പി.സി.സി ജനറൽ സെക്രട്ടറി അഡ്വ.ജി സുബോധൻ മുഖ്യപ്രഭാഷണം നടത്തും. മുൻ ഡി.സി.സി സെക്രട്ടറി എം. മണികണ്ഠൻ,​ ഡി.സി.സി സെക്രട്ടറിമാരായ മുത്തുകൃഷ്ണൻ,​ മനീഷ് രാജ്,​ അഡ്വ.സഞ്ജയൻ,​ നരുവാമൂട് ജോയ്,​ ഡി.സി.സി മെമ്പർമാരായ പെരിങ്ങമല വിജയൻ,​ പ്രാവച്ചമ്പലം ബേക്കർ,​ ഇടയ്ക്കാട് ജനാർദ്ദനൻ,​ മെമ്പർമാരായ ഭഗവതിനട ശിവകുമാർ,​ പള്ളിച്ചൽ സതീഷ്,​ മഹിളാകോൺഗ്രസ് ജില്ലാ സെക്രട്ടറി മല്ലികാദാസ് തുടങ്ങിയവർ സംസാരിക്കും.