തിരുവനന്തപുരം: പൊലീസുകാരന്റെ അടിയേറ്ര് മൂക്കെല്ല് തകർന്ന കെ.എസ്.യു സംസ്ഥാന കമ്മിറ്റിയംഗം നസിയയെ അവഗണിച്ച് കോൺഗ്രസ് നേതൃത്വം. സംഭവം നടന്ന് ഒന്നര മാസമായിട്ടും കുറ്റക്കാരനായ പൊലീസുകാരനെ സംരക്ഷിക്കുന്ന സർക്കാർ നടപടിക്കെതിരെ ചെറുവിരലനക്കാനുള്ള ശ്രമം കോൺഗ്രസ് നേതൃത്വം നടത്തിയിട്ടില്ല. ഈ അവഗണന നസിയയെ മാത്രമല്ല കെ.എസ്.യു പ്രവർത്തകരെയും നിരാശരാക്കുന്നു.

കുറ്റക്കാരനായ പൊലീസ് ഉദ്യോഗസ്ഥനെതിരെ നടപടിയുണ്ടായില്ലെങ്കിൽ കോടതിയെ സമീപിക്കുമെന്ന് കെ.പി.സി.സി പ്രസിഡന്റ് കെ.സുധാകരൻ നവംബർ 10 ന് പ്രതികരിച്ചിരുന്നു. വിഷയം കെ.പി.സി.സി ലീഗൽ കമ്മിറ്റി ഏറ്റെടുത്തെന്നും അദ്ദേഹം അറിയിച്ചതാണ്. എന്നാൽ , നിയമനടപടികളുമായി നീങ്ങാൻ പാർട്ടി ശ്രമിച്ചിട്ടില്ല.

സംഭവം നടന്ന് രണ്ടാഴ്ചയ്ക്ക് ശേഷമാണ് ആശുപത്രിയിലെത്തി നസിയയുടെ മൊഴിയെടുക്കാൻ പോലും പൊലീസ് തയാറായത്. നസിയയെ ആക്രമിച്ച പൊലീസുകാരന്റെ ചിത്രം നവംബർ ഒൻപതിന് കേരളകൗമുദി പ്രസിദ്ധീകരിച്ചിരുന്നു.

ഡി.ജി.പി,​ പൊലീസ് കംപ്ളെയിന്റ് അതോറിട്ടി,​ വനിതാ കമ്മിഷൻ,​ മനുഷ്യാവകാശ കമ്മിഷൻ,​ മ്യൂസിയം പൊലീസ് എന്നിവർക്ക് നസിയ പരാതി നൽകിയിരുന്നു. സംഭവം അന്വേഷിച്ച സ്പെഷ്യൽ ബ്രാഞ്ച് കമ്മിഷണർക്ക് റിപ്പോർട്ട് നൽകിയിട്ടും നടപടിയെടുത്തില്ല.

ഇതിനിടെ അച്ഛന്റെ മരണത്തെ തുടർന്ന് മാനസികമായി തകർന്ന നസിയ തനിക്കേറ്റ നീതിനിഷേധത്തിലും അതീവ ദു:ഖിതയാണ്. കോ​​ട്ട​യം​ ​മേ​ലു​കാ​വ് ​സ്വ​ദേ​ശി​യാ​യ​ ​ന​സി​ പ്ള​സ് ​വ​ൺ​ ​വി​ദ്യാ​ർ​ത്ഥി​നി​യാ​യി​രി​ക്കെ,​ ​സം​ഘ​ട​നാ​ ​പ്ര​വ​ർ​ത്ത​നം​ ​തു​ട​ങ്ങി​യ​താ​ണ്.​ ​തൃ​ശൂ​ർ​ ​കേ​ര​ള​വ​ർ​മ്മ​ ​കോ​ളേ​ജി​ലെ​ ​വി​ദ്യാ​ർ​ത്ഥി​ ​യൂ​ണി​യ​ൻ​ ​തി​ര​ഞ്ഞെ​ടു​പ്പ് ​ഫ​ലം​ ​അ​ട്ടി​മ​റി​ച്ചെ​ന്ന​ ​ആ​രോ​പ​ണ​ത്തി​ൽ​ ​മ​ന്ത്രി​ ​ആ​ർ.​ബി​ന്ദു​വി​ന്റെ​ ​വീ​ട്ടി​ലേ​ക്കു​ള്ള​ ​മാ​ർ​ച്ചി​ൽ​ ​പ​ങ്കെ​ടു​ത്തപ്പോഴാണ് അടിയേറ്റ് മൂക്കിന് ഗുരുതരമായി പരിക്കേറ്റത്.