കിളിമാനൂർ: നൂറുകണക്കിന് വനിതകൾ ചേർന്ന് അവതരിപ്പിച്ച മെ​ഗാ തിരുവാതിര നവകേരള സദസിന്റെ അനുബന്ധ പരിപാടികളിൽ വേറിട്ട അനുഭവമായി.നവകേരള സദസ് ആറ്റിങ്ങൽ മണ്ഡലം സ്വാ​ഗതസംഘത്തിന്റെ നേതൃത്വത്തിൽ ന​ഗരൂർ ക്രിസ്റ്റൽ കൺവെൻഷൻ സെന്ററിന്റെ അങ്കണത്തിലാണ് മുന്നൂറിൽപരം വനിതകൾ അവതരിപ്പിച്ച തിരുവാതിര അരങ്ങേറിയത്. തിരുവാതിരയുടെ ഉദ്ഘാടനം ഒ.എസ്.അംബിക എം.എൽ.എ നിർവഹിച്ചു.ജില്ലാ പഞ്ചായത്ത് വൈസ് പ്രസിഡന്റ് ഷൈലജാ ബീ​ഗം,ബ്ലോക്ക് പഞ്ചായത്ത് പ്രസിഡന്റ് ബി.പി.മുരളി,മുൻ എം.എൽ.എ ബി.സത്യൻ,സംഘാടസമിതി രക്ഷാധികാരി തട്ടത്തുമല ജയചന്ദ്രൻ,ന​​ഗരൂർ പഞ്ചായത്ത് പ്രസിഡന്റ് ഡി.സ്മിത,കിളിമാനൂർ ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീജാഉണ്ണികൃഷ്ണൻ തുടങ്ങിയവർ പങ്കെടുത്തു.