കാലടി: വിദേശത്ത് ജോലി വാഗ്ദാനം ചെയ്ത് ലക്ഷങ്ങൾ കവർന്ന കേസി​ൽ യുവതിയെ കാലടി പൊലീസ് അറസ്റ്റ് ചെയ്തു.

മഹാരാഷ്ട്ര നവി മുംബയിൽ താമസിക്കുന്ന കണ്ണൂർ സ്വദേശി മേരി സാബു(34)വാണ് പി​ടി​യി​ലായത്. നവി മുംബയ് സ്വദേശി കിഷോർ വെനേറാമിനെ നേരത്തെ അറസ്റ്റ് ചെയ്തിരുന്നു. അസർബൈജാനിൽ ജോലി വാഗ്ദാനം ചെയ്ത് മലയാറ്റൂർ സ്വദേശി സിബിനിൽ നിന്ന് ഒന്നേ കാൽ ലക്ഷം രൂപ സംഘം തട്ടിയെടുക്കുകയായിരുന്നു.

പ്രതികളുടെ ഉടമസ്ഥതയിലുള്ള മുംബയിലെ ഏഷ്യാ ഓറിയ എന്ന റിക്രൂട്ടിംഗ് സ്ഥാപനം വഴിയാണ് വിദശത്തേക്ക് കൊണ്ടുപോകാമെന്ന് വാഗ്ദാനം ചെയ്തത്. പരാതിക്കാരനെ മുംബയി​ലേക്ക് വിളിച്ചു വരുത്തി അഭിമുഖവും മെഡിക്കൽ പരിശോധനയും നടത്തുകയും തുടർന്ന് വിസയ്ക്കും മറ്റുമായി തുക കൈപ്പറ്റുകയുമായി​രുന്നു. സംസ്ഥാനത്ത് വിവിധ പൊലീസ് സ്റ്റേഷനുകളായി സമാന കേസുകൾ ഇവർക്കെതിരെയുണ്ടെന്ന് പൊലീസ് പറഞ്ഞു. എസ്.എച്ച്. ഒ എൻ,എ.അനൂപ്, എസ്. ഐ. മാരായ ജെ.റോജോമോൻ, എം.സി.ഹാരീഷ്, ജെയിംസ് മാത്യൂ, വി.കെ.രാജു, സീനിയർ സി. പി. ഒ മീര രാമകൃഷ്ണൻ, എം.ബി.ജയന്തി എന്നി​വരാണ് അന്വേഷണസംഘത്തിലുള്ളത്.