മീനങ്ങാടി: വയനാട് ജില്ലാ പഞ്ചായത്തിന്റെയും, ഹയർ സെക്കൻഡറി കരിയർ ഗൈഡൻസ് സെല്ലിന്റെയും സംയുക്താഭിമുഖ്യത്തിൽ നടക്കുന്ന ലെസൺ പദ്ധതിയുടെ ഭാഗമായി പട്ടികവർഗ പട്ടികജാതി വിദ്യാർത്ഥികൾക്കായി കരിയർ ഗൈഡൻസ് ശിൽപ്പശാല സംഘടിപ്പിച്ചു. മീനങ്ങാടി ഗവ. ഹയർ സെക്കൻഡറി സ്‌കൂളിൽ നടന്ന ശിൽപ്പശാല ജില്ലാ പഞ്ചായത്ത് ഡിവിഷൻ മെമ്പർ സിന്ധു ശ്രീധരൻ ഉദ്ഘാടനം ചെയ്തു.
ഗ്രാമ പഞ്ചായത്ത് മെമ്പർ പി.വി. വേണുഗോപാൽ അദ്ധ്യക്ഷത വഹിച്ചു.
പ്രിൻസിപ്പൽ ഷിവി കൃഷ്ണൻ , വാർഡ് മെമ്പർ ടി.പി ഷിജു , കെ. അനിൽകുമാർ , പി.ഡി. ഹരി എന്നിവർ പ്രസംഗിച്ചു. ഹയർ സെക്കൻഡറി കരിയർ കൗൺസലർ ഡോ. ബാവ കെ. പാലുകുന്ന് ക്ലാസെടുത്തു.