അമ്പലപ്പുഴ: ദേശീയപാതയിൽ പുന്നപ്ര ഭാഗത്ത് കാറും മിനിലോറിയും കൂട്ടിയിടിച്ചു.അപകടത്തിൽ ഇരു വാഹനങ്ങളിലേയും ഡ്രൈവർമാർക്ക് പരിക്കേറ്റു.ഇവരെ ആശുപത്രിയിൽ പ്രവേശിപ്പിച്ചു. മിനിലോറി ഡ്രൈവർ ആലപ്പുഴ ചാത്തനാട് പറയൻ പറമ്പിൽ റഷീദ് (52), കാർ ഡ്രൈവർ തൃശൂർ മിഷൻ ക്വാട്ടേഴ്സിൽ ജസിൻ (20) എന്നിവർക്കാണ് പരിക്കേറ്റത്.ഇവരെ നാട്ടുകാർ ആലപ്പുഴ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ദേശീയപാതയിൽ പുന്നപ്ര പവർ ഹൗസ് ജംഗ്ഷനിൽ ഇന്നലെ രാവിലെ 8.30 ഓടെയായിരുന്നു അപകടം. തോട്ടപ്പള്ളിയിൽ നിന്ന് ആലപ്പുഴയ്ക്ക് മീൻ കയറ്റി വന്ന മിനിലോറിയും തൃശൂരിൽ നിന്ന് കൊല്ലത്തേക്ക് പോയ കാറും തമ്മിൽ കൂട്ടിയിടിച്ചായിരുന്നു അപകടം. അപകടത്തിൽ മിനിലോറി മറിയുകയും കാറിന്റെ മുൻഭാഗം തകരുകയും ചെയ്തു.