ആലപ്പുഴയിലെ ആദ്യ രഞ്ജിട്രോഫി മത്സരം നാളെ മുതൽ

ആലപ്പുഴ: ആലപ്പുഴയുടെ മണ്ണിൽ ആദ്യമായി അരങ്ങേറുന്ന രഞ്ജിട്രോഫി ക്രിക്കറ്റ് മത്സരം നാളെ മുതൽ എസ്.ഡി കോളേജ് ഗ്രൗണ്ടിൽ അരങ്ങേറും. ആതിഥേയരായ കേരളവും ഉത്തർ പ്രദേശും തമ്മിലാണ് മത്സരം. ടീമുകൾ എത്തി പരിശീലനം തുടങ്ങിയതോടെ ക്രിക്കറ്റ് പ്രേമികൾ ആവേശത്തിലായി.

നാളെ​ രാ​വി​ലെ 9.30ന്​​ ​​മ​ത്സ​രം ആരംഭിക്കും. രാ​ജ്യാ​ന്ത​ര ക്രി​ക്ക​റ്റി​ൽ ക​ന്നി സെ​ഞ്ച്വ​റി നേ​ടി​യ കേ​ര​ള ടീം ​നാ​യ​ക​ൻ സ​ഞ്ജു സാം​സ​ൺ അ​ട​ക്ക​മു​ള്ള​വ​രു​​ടെ വെ​ടി​ക്കെ​ട്ട്​ ബാ​റ്റിംഗ്​ പ്ര​തീ​ക്ഷ​യിലാ​ണ്​ ആ​രാ​ധ​ക​ർ. ഇന്ത്യൻ താരങ്ങളായ റിങ്കുസിംഗ്, കുൽദീപ് യാദവ് അടക്കമുള്ളവർ യു.പിക്കുവേണ്ടി കളത്തിലിറങ്ങും.

കേ​ര​ള ടീ​മി​ന്റെ ക്യാ​മ്പു​ക​ൾ സ്ഥി​ര​മാ​യി എസ്.ഡി കോളേജ് ഗ്രൗണ്ടിൽ ന​ട​ക്കാ​റു​ണ്ടെ​ങ്കി​ലും ആ​ദ്യ​മാ​യാ​ണ് ഇവിടെ ര​ഞ്ജി​ മ​ത്സ​ര​ത്തി​ന്​ ബി.​സി.​സി.​ഐ അ​നു​മ​തി ന​ൽ​കു​ന്ന​ത്. ജ​ല​ജ് സ​ക്‌​സേ​ന, എ​ൻ.​പി.ബേ​സി​ൽ, ബേ​സി​ൽ ത​മ്പി, അ​ക്ഷ​യ് ച​ന്ദ്ര​ൻ, ശ്രേ​യ​സ് ഗോ​പാ​ൽ, അ​ന​ന്ത​കൃ​ഷ്ണ​ൻ, കൃ​ഷ്ണ​പ്ര​സാ​ദ്, രോ​ഹ​ൻ കു​ന്നു​മ്മ​ൽ, എം.​ഡി.നി​ധീ​ഷ്, രോ​ഹ​ൻ പ്രേം, ​സ​ച്ചി​ൻ ബേ​ബി, വൈ​ശാ​ഖ് ച​ന്ദ്ര​ൻ, വി​ഷ്ണു വി​നോ​ദ്, സു​രേ​ഷ് വി​ശ്വേ​ശ്വ​ർ, വി​ഷ്ണു​രാ​ജ് തുടങ്ങിയവർ കേ​ര​ള ടീമിലുണ്ട്. 2018-19 സീ​സ​ണി​ൽ സെ​മി ഫൈ​ന​ലി​ലെ​ത്തി​യ​താ​ണ് രഞ്ജിയിലെ കേ​ര​ള​ത്തി​ന്റെ ഇ​തു​വ​രെ​യു​ള്ള ഏ​റ്റ​വും മി​ക​ച്ച പ്ര​ക​ട​നം. 2017ൽ ​ക്വാ​ർ​ട്ട​റി​ലെ​ത്തി​യി​രു​ന്നു.

രാ​ജ്യാ​ന്ത​ര നി​ല​വാ​രമുള്ള പിച്ച്

2008 മു​ത​ൽ എ​സ്.​ഡി കോ​ള​ജ് ഗ്രൗ​ണ്ട് കേ​ര​ള ക്രി​ക്ക​റ്റ് അ​സോ​സി​യേ​ഷ​നാ​ണ് (കെ.​സി.​എ) പ​രി​പാ​ലി​ക്കു​ന്ന​ത്. ഈ ​വ​ർ​ഷം വീ​ണ്ടും ക​രാ​ർ പു​തു​ക്കി. 18 വ​ർ​ഷം​കൂ​ടി കെ.​സി.​എ​ക്കാ​യി​രി​ക്കും ഗ്രൗ​ണ്ടി​ന്റെ മേ​ൽ​നോ​ട്ടം. രാ​ജ്യാ​ന്ത​ര​നി​ല​വാ​ര​മു​ള്ള പി​ച്ചും ഔ​ട്ട്ഫീ​ൽ​ഡു​മാ​ണ് ഒ​രു​ക്കി​യി​ട്ടു​ള്ള​ത്. ഒ​മ്പ​ത്​ പി​ച്ചു​ക​ളു​ണ്ട്. ശ​രാ​ശ​രി 70 മീറ്ററാണ് ബൗ​ണ്ട​റി​ക​ളി​ലേ​ക്കുള്ളത്. ബ​ർ​മു​ഡ പു​ല്ലാ​ണ്​ ഗ്രൗ​ണ്ടി​ൽ ന​ട്ടു​വ​ള​ർ​ത്തി​യ​ത്. മ​ഴ പെ​യ്താ​ൽ ഗ്രൗ​ണ്ടി​ലെ വെ​ള്ളം ഒ​പ്പി​യെ​ടു​ക്കു​ന്ന സൂ​പ്പ​ർ സോ​പ്പ​റ​ട​ക്കമുള്ള ആ​ധു​നി​ക​സൗ​ക​ര്യ​ങ്ങ​ൾ മൈ​താ​ന​ത്തു​ണ്ട്.