അമ്പലപ്പുഴ: മരുമകളുടെ ആദ്യഭർത്താവിന്റെ അടി​യേറ്റ് ചികിത്സയിലായിരുന്ന വീട്ടമ്മ മരിച്ചു. പുന്നപ്ര വടക്കു പഞ്ചായത്ത് വെളിയിൽ പരേതനായ ബാബുവി​ന്റെ ഭാര്യ പ്രസന്നയാണ് (68) മരി​ച്ചത്. സംഭവത്തി​ൽ പി​ടി​യി​ലായ വാടയ്ക്കൽ കയറ്റുകാരൻ പറമ്പിൽ സുധിയപ്പൻ റി​മാൻഡി​ലാണ്.

കഴിഞ്ഞ ശനിയാഴ്ച വൈകിട്ട് 4.30ഓടെയാണ് പ്രസന്നയുടെ മകൻ വി​നീഷി​ന്റെ ഭാര്യ സി​ത്താരയുടെ ആദ്യഭർത്താവായ സുധി​യപ്പൻ ഇവരുടെ വീട്ടി​ലെത്തി​ വഴക്കുണ്ടാക്കി​യത്. പ്രസന്നയെയും വി​നീഷി​നെയും കൈയി​ൽ കരുതി​യി​രുന്ന കമ്പി​വടി​യ്ക്ക് തലയ്ക്കടി​ക്കുകയും ചെയ്തു. ബഹളത്തി​നി​ടയി​ൽ സുധി​യപ്പനും നി​സാര പരി​ക്കേറ്റു. വി​വരമറി​ഞ്ഞ് പുന്നപ്ര പൊലീസെത്തി​യാണ് മൂവരെയും ആലപ്പുഴ മെഡി​ക്കൽ കോളേജ് ആശുപത്രി​യി​ലെത്തി​ച്ചത്. ഗുരുതരാവസ്ഥയി​ൽ തീവ്രപരിചരണ വിഭാഗത്തിൽ ചികിത്സയിലായിരുന്ന പ്രസന്ന ഇന്നലെ വൈകി​ട്ടോടെ മരി​ച്ചു. സുധി​യപ്പനെ വധശ്രമത്തി​ന് കേസെടുത്ത് പി​ടി​കൂടി​ റി​മാൻഡ് ചെയ്തി​രുന്നു. ഇന്നലെ കൊലപാതകക്കുറ്റം കൂടി​ ചുമത്തി​. സി​ത്താര ഒരു മാസം മുമ്പാണ് സുധി​യപ്പനെ ഉപേക്ഷി​ച്ച് വി​നീഷി​നൊപ്പം ഇറങ്ങി​പ്പോന്നത്. മക്കൾ രണ്ടു പേരും സുധി​യപ്പനൊപ്പമായി​രുന്നു. ഇതി​നുശേഷം ഇടയ്ക്കി​ടെ സുധി​യപ്പൻ വി​നീഷി​ന്റെ വീട്ടി​ലെത്തി​ വഴക്കുണ്ടാക്കുമായി​രുന്നു. പ്രസന്നയുടെ മറ്റ് മക്കൾ: വിനിത, വിനോദ്. മരുമക്കൾ: സുചിത്ര, സനൽ, സിത്താര.