ഹരിപ്പാട്: കേരളത്തിനെതിരായ കേന്ദ്ര സർക്കാരിന്റെ സാമ്പത്തിക ഉപരോധം അവസാനിപ്പിക്കണമെന്ന് ആവശ്യപ്പെട്ട് സി.ഐ.ടിയു കാർത്തികപ്പള്ളി ഏരിയ കമ്മിറ്റിയുടെ നേതൃത്വത്തിൽ ചിങ്ങോലി എൻ.ടി.പി.സി ജംഗ്ഷനിൽ തൊഴിലാളി കൂട്ടായ്മ സംഘടിപ്പിച്ചു. സി.ഐ.ടി.യു ജില്ലാ ജോയിന്റ് സെക്രട്ടറി ബി.അബിൻഷാ ഉദ്ഘാടനം ചെയ്തു. ഏരിയ പ്രസിഡന്റ് കെ.കരുണാകരൻ അദ്ധ്യക്ഷനായി. എം.സുരേന്ദ്രൻ, ജി.ബിജുകുമാർ, കെ.വിജയകുമാർ, അഡ്വ.ടി.എസ്.താഹ, അഡ്വ.ബി രാജേന്ദ്രൻ എന്നിവർ സംസാരിച്ചു.