ചേർത്തല: വയലാർ ഇൻഫോ പാർക്ക് പാലത്തിനും റോഡ് വികസനത്തിനുമായി കിഫ്ബി മുഖാന്തിരം നൂറു കോടി രൂപ അനുവദിച്ചത് റദ്ദാക്കിയ സർക്കാർ നടപടിയിൽ പ്രതിഷേധിച്ച് വയലാർ ഈസ്​റ്റ് വെസ്​റ്റ് മണ്ഡലം കോൺഗ്രസ് കമ്മി​റ്റികളുടെ നേതൃത്വത്തിൽ പന്തംകൊളുത്തി പ്രകടനവും പ്രതിഷേധ മാർച്ചും നടത്തി.വയലാർ മുക്കണ്ണൻ കവലയിൽ ചേർന്ന പ്രതിഷേധ യോഗം കയർ കോർപ്പറേഷൻ മുൻ ചെയർമാൻ കെ.ആർ.രാജേന്ദ്രപ്രസാദ് ഉദ്ഘാടനം ചെയ്തു.ഫണ്ട് റദ്ദാക്കിയ നടപടി പിൻവലിച്ച് ഉടൻ നിർമ്മാണ പ്രവർത്തനങ്ങൾ പുനരാരംഭിക്കണമെന്ന് അദ്ദേഹം ആവശ്യപ്പെട്ടു.യോഗത്തിൽ വെസ്​റ്റ് മണ്ഡലം പ്രസിഡന്റ് ജെയിംസ് തുരുത്തേൽ അദ്ധ്യക്ഷത വഹിച്ചു.ഡി.സി.സി ജനറൽ സെക്രട്ടറി മധു വാവക്കാട്,അഡ്വ.വി.എൻ.അജയൻ,എ.കെ.ഷെരീഫ്,കെ.ജി അജിത്ത്,ധനേഷ് കൊല്ലപ്പള്ളി,മുരളീധരൻ വയലാർ,ബി.സോമനാഥൻ,എം.ജി. കാർത്തികേയൻ,രമണി ഷംസുദ്ദീൻ എന്നിവർ സംസാരിച്ചു.