അമ്പലപ്പുഴ : പേട്ടതുള്ളലിനുള്ള അമ്പലപ്പുഴ സംഘത്തിന്റെ രണ്ടാം ദിവസത്തെ യാത്ര തകഴി ശ്രീധർമ്മ ശാസ്താ ക്ഷേത്രത്തിൽ നിന്ന് ആരംഭിച്ചു. ആനപ്രമ്പാൽ ശ്രീ ധർമ്മ ശാസ്താ ക്ഷേത്രത്തിലെ ഉച്ചഭക്ഷണത്തിന് ശേഷം രാത്രിയിൽ കവിയൂർ ശ്രീ മഹാദേവ ക്ഷേത്രത്തിൽ എത്തി വിരിവച്ചു. പനയന്നാർകാവ് ക്ഷേത്രം, ചക്കുളത്തുകാവ്, മണിപ്പുഴ , പൊടിയാടി അയ്യപ്പ ക്ഷേത്രങ്ങൾ, തിരുവല്ല ശ്രീ വല്ലഭ ക്ഷേത്രം ഉൾപ്പടെ പതിനഞ്ച് ക്ഷേത്രങ്ങളിലേയും നിരവധി സംഘടന കളുടെയും സ്വീകരണങ്ങൾ ഏറ്റുവാങ്ങിയാണ് രഥയാത്ര കവിയൂർ ക്ഷേത്രത്തിൽ എത്തിയത്. ഇന്ന് രാവിലെ കവിയൂർ ക്ഷേത്രത്തിൽ നിന്നും പുറപ്പെടുന്ന രഥയാത്ര വൈകിട്ട് മണിമലക്കാവ് ദേവീക്ഷേത്രത്തിൽ എത്തും.നാളെ മണിമലക്കാവിലെ ആഴിപൂജക്കു ശേഷം എരുമേലിയിലേക്ക് യാത്രയാകും.