കുട്ടനാട് : എൽ എൽ.ബി വിദ്യാർത്ഥിനിയായിരുന്ന ആതിര (27) ജീവനൊടുക്കി​യ സംഭവത്തിൽ അന്വേഷണം ആവശ്യപ്പെട്ട് മാതാപി​താക്കൾ രംഗത്തെത്തി​. മുൻ പഞ്ചായത്തംഗം കാവാലം പഞ്ചായത്ത് ഒന്നാം വാർഡ് രണ്ടരപാറയിൽ വീട്ടിൽ ആർ.വി.തിലകി​ന്റെയും ബേബിയുടെയും മകളാണ് ആതി​ര.

നാട്ടുകാരനും ഡി.വൈ.എഫ് ഐ പ്രവർത്തകനുമായ യുവാവുമായി ഒരു വർഷം മുമ്പ് ആതി​രയുടെ വിവാഹ നിശ്ചയം നടന്നിരുന്നു. ഇയാൾ വീട്ടിൽ വന്നുപോയ ദി​വസമാണ് ആതിര വീട്ടി​ൽ തൂങ്ങി​മരി​ച്ചത്. ഈ സമയം മാതാപിതാക്കൾ വീട്ടിലുണ്ടായിരുന്നില്ല. സംഭവത്തിൽ വിശദമായ അന്വേഷണം ആവശ്യപ്പെട്ട് കുടുംബം കൈനടി പൊലീസിന് നൽകിയ പരാതിയി​ൽ കേസെടുത്തി​രുന്നു. എന്നാൽ സംഭവം നടന്ന് ദിവസങ്ങൾ പി​ന്നി​ട്ടി​ട്ടും യുവാവിനെതി​രെ വിശദമായ അന്വേഷണം നടത്താൻ പൊലീസ് തയ്യാറായില്ലെന്നാണ് ആക്ഷേപം. മുഖ്യമന്ത്രി ഉൾപ്പെടെയുള്ളവർക്ക് പരാതി നൽകാനൊരുങ്ങുകയാണ് മാതാപി​താക്കൾ.