മാന്നാർ : എസ്.എൻ.ഡി.പി യോഗവും മാന്നാർ യൂണിയനും 2024ൽ നടപ്പിലാക്കുന്ന ക്ഷേമ പദ്ധതികൾ വിശദമാക്കുന്നതിനും ശാഖാതല പ്രവർത്തനങ്ങൾ ക്രമീകരിക്കുന്നതിനുമായി സംയുക്ത യോഗങ്ങൾ ശാഖകളിൽ നാളെയും മറ്റേന്നാളും നടക്കും. നാളെ രാവിലെ 10.30 ന് 5395 ാം നമ്പർ ഗ്രാമം വയൽവാരം ശാഖയിലും വൈകിട്ട് 4ന് 6323-ാം നമ്പർ ചെറുകോൽ ഗുരുസ്തവം ശാഖയിലും മറ്റേന്നാൾ രാവിലെ 10ന് 66-ാം നമ്പർ ബുധനൂർ ശാഖയിലും വൈകിട്ട് 3ന് 6188ാം നമ്പർ പാവുക്കര കിഴക്ക് ശാഖയിലും 4ന് 553ാം നമ്പർ പാവുക്കര ശാഖയിലും, 6ന് മണിക്ക് 146ാം നമ്പർ ചെന്നിത്തല തൃപ്പെരുംതുറ ശാഖയിലും യോഗങ്ങൾ നടക്കും. വിവിധ സംയുക്ത യോഗങ്ങൾ ശാഖ പ്രസിഡന്റുമാരായ സതീശൻ. എസ്, സി. ആർ. രവീന്ദ്രൻ, ചെന്താമരാക്ഷൻ ഗോകുലം, പി. കെ. വാസുദേവൻ, സതീശൻ മൂന്നേത്ത്, പി. മുരളീധരൻ എന്നിവർ അദ്ധ്യക്ഷത വഹിക്കും . യൂണിയൻ കൺവീനർ അനിൽ.പി. ശ്രീരംഗം ഉദ്ഘാടനം നിർവഹിക്കും. യൂണിയൻ അഡ്.കമ്മറ്റി അംഗങ്ങളായ ഹരിലാൽ ഉളുന്തി, ഹരി പാലമൂട്ടിൽ പുഷ്പ ശശികുമാർ, പി.ബി. സൂരജ്, നുന്നു പ്രകാശ്, മേഖല ചെയർമാൻമാരായ കെ.വിക്രമൻ, തമ്പി കൗണടി, ബിനു ബാലൻ, കൺവീനർമാരായ അനിൽകുമാർ ടി.കെ രാധാകൃഷ്ണൻ പുല്ലാമഠം, സുധാകരൻ സർഗ്ഗം, രവി. പി.കളീയ്ക്കൽ എന്നിവർ പ്രസംഗിക്കും.