ആലപ്പുഴ: വനിത ശിശു വികസന വകുപ്പ്, ജില്ല ശിശു സംരക്ഷണ യൂണിറ്റ്, ബാലാവകാശ സംരക്ഷണത്തിന്റെ ഭാഗമായി ഇന്ന് ജില്ല ചിൽഡ്രൻസ് ഫെസ്റ്റ് സംഘടിപ്പിക്കും. രാവിലെ ഒമ്പതിന് ലിയോ തേർട്ടീന്ത് ഹയർസെക്കൻഡറി സ്‌കൂളിൽ എ.എം.ആരിഫ് എം.പി ഉദ്ഘാടനം ചെയ്യും. മുനിസിപ്പൽ ചെയർപേഴ്സൺ കെ.കെ.ജയമ്മ അദ്ധ്യക്ഷയാകും. ജില്ല കളക്ടർ ജോൺ.വി.സാമുവൽ മുഖ്യപ്രഭാഷണം നടത്തും. ബാലാവകാശ സംരക്ഷണ കമ്മീഷൻ അംഗം അഡ്വ. ജലജചന്ദ്രൻ മുഖ്യാതിഥിയാകും. വൈകിട്ട് അഞ്ചിന് നടക്കുന്ന സമാപന സമ്മേളനം ജില്ലാ പൊലീസ് മേധാവി ചൈത്ര തെരേസ ജോൺ ഉദ്ഘാടനം ചെയ്യും.