മുഹമ്മ: എസ് എൻ ഡി പി യോഗം 329-ാം നമ്പർ ശാഖയിലെ കലവൂർ ശ്രീ സുബ്രഹ്മണ്യസ്വാമി ക്ഷേത്രത്തിൽ തൈപ്പൂയക്കാവടി മഹോത്സവത്തിന് 17ന് കൊടിയേറും. 26ന് ആറാട്ടോടെ സമാപിക്കും.

17 ന് രാവിലെ 11ന് വാരനാട് ജയതുളസീധരൻ തന്ത്രിയുടെ മുഖ്യ കാർമ്മികത്വത്തിലാണ് കൊടിയേറ്റ്. വൈകിട്ട് 6.15 ന് കിരീടം വരവ്,7.15ന് ദേശ താലപ്പൊലി വരവ്. ഉത്സവ ദിവസങ്ങളിൽ എന്നും രാവിലെ

10.30ന് ഉപമൂർത്തിയ്ക്ക് വിശേഷാൽ കലശാഭിഷേകത്തോടെ പൂജ, 11.30ന് വിശേഷാൽ ഉച്ച പൂജ, തുടർന്ന് നട അടയ്ക്കൽ, വൈകിട്ട് ദേശതാലപ്പൊലി എന്നിവ ഉണ്ടാകും.

22ന് വൈകിട്ട് 7ന് ഒറ്റത്താലം വരവ്, 7.40ന് 1008 നാരങ്ങാ കൊണ്ട് മാല ചാർത്തൽ. 24ന് വൈകിട്ട് 5ന് തിരുവാഭരണങ്ങൾ വരവ്.

25ന് ഉച്ചയ്ക്ക് 12ന് പള്ളിവേട്ട സദ്യ കലവൂർ ജംഗ്ഷനിൽ നടക്കും. രാത്രി 8ന് പള്ളിവേട്ട,

26ന് വൈകിട്ട് 4.30ന് കാലടി ഘോഷയാത്രയും വേലുകുത്ത് വഴിപാടും , രാത്രി 8.30ന് ആറാട്ട്, 9ന് തിരിച്ചെഴുന്നള്ളിയ്ക്കൽ.

ഫെബ്രുവരി 2നാണ് ഏഴാം പൂജ.