ചേർത്തല: കരപ്പുറത്തിന്റെ പഴനി മലയെന്നറിയപ്പെടുന്ന ചെറുവാരണം ശ്രീനാരായണപുരം ക്ഷേത്രത്തിലെ (പുത്തനമ്പലം) കൊടിയേറ്റ് മഹോത്സവം 19ന് ആരംഭിച്ച് 26ന് ആറാട്ടോടെ സമാപിക്കും. 22നാണ് ഗുരുദേവ പ്രതിഷ്ഠാവാർഷികം. ഉത്സവത്തിനുള്ള ഒരുക്കങ്ങൾ പൂർത്തിയായതായി ദേവസ്വം വൈസ് പ്രസിഡന്റ് അഡ്വ.കെ.ഷാജി, സെക്രട്ടറി കെ.ഷിബു, വിദഗ്ദ കമ്മിറ്റി അംഗങ്ങളായ ടി.സുമേഷ് ചെറുവാരണം,സഞ്ജയ് നാഥ്,പി.ആർ.ഷാജി, കമ്മിറ്റി അംഗങ്ങളായ എസ്.കൃഷ്ണപ്രസാദ്,കെ.ഉദയകുമാർ എന്നിവർ അറിയിച്ചു.

19ന് രാവിലെ 10.30നും 11നും മദ്ധ്യേ പറവൂർ രാകേഷ് തന്ത്രിയുടെ മുഖ്യകാർമ്മികത്വത്തിൽ കൊടിയേറ്റ് നടക്കും. തുടർന്ന് കൊടിയേറ്റ് സദ്യ. 11ന് ഫ്യൂഷൻ തിരുവാതിരകളി,11.45ന് കഥാപ്രസംഗം,വൈകിട്ട് 6.30ന് ഗുരുദേവ പ്രഭാഷണം,പണത്താലപ്പൊലി വരവ്,7ന് ഓട്ടൻതുള്ളൽ,7.30ന് തിരുവാതിരക്കളി, രാത്രി 8ന് ഡാൻസ് നൈറ്റ്. 20ന് വൈകിട്ട് 7ന് നൃത്തം, രാത്രി 8ന് നാടകം. 21ന് രാവിലെ 9ന് കൈകൊട്ടിക്കളി,വൈകിട്ട് 7ന് വീണക്കച്ചേരി, രാത്രി 8ന് മെഗാഫെസ്റ്റിവൽ നൈറ്റ്. 22ന് 40-ാമത് ഗുരുദേവ പ്രതിഷ്ഠാവാർഷികം, വൈകിട്ട് 6.45ന് ആലപ്പി രമണൻ ഗുരുദേവ പ്രഭാഷണം നടത്തും. രാത്രി 8.15ന് പിന്നണി ഗായിക ലൗലി ജനാർദ്ദനൻ നയിക്കുന്ന ഗാനോത്സവം,10ന് ഭരതനാട്യം. 23ന് രാത്രി 8.15ന് ഡാൻസ്,10.15ന് കഥകളി. 24ന് ദേവി ഉത്സവം,രാവിലെ 10.15ന് തിരുവാതിരക്കളി,തുടർന്ന് ആനയൂട്ട്, വൈകിട്ട് 4.30ന് കാഴ്ചശ്രീബലി,തുടർന്ന് അരിക്കൂത്ത്,രാത്രി 8ന് മല്ലാരി ഫ്യൂഷൻ. 25ന് പുണർതം പള്ളിവേട്ട എ ഗ്രൂപ്പ് വക ഉത്സവം, വൈകിട്ട് 4ന് കാഴ്ചശ്രീബലി, വാദ്യകലാരത്നം ഡോ.മരുത്തോർവട്ടം ഉണ്ണിക്കൃഷ്ണൻ ആൻഡ് പാർട്ടിയുടെ നേതൃത്വത്തിൽ പഞ്ചാരിമേളം. രാത്രി 8ന് ദീപാരാധന,കരിമരുന്ന്, 8.30ന് സംഗീതസദസ്,10ന് പള്ളിവേട്ട,11.30ന് നാടകം. 26ന് ബി ഗ്രൂപ്പ് വക പൂയം ആറാട്ട് മഹോത്സവം,രാവിലെ 8ന് പൂയംതൊഴൽ,10.30ന് മഹാനിവേദ്യ പ്രസാദ വിതരണം,തുടർന്ന് ഫ്യൂഷൻ തിരുവാതിരക്കളി,വൈകിട്ട് 3.30ന് ആറാട്ട് പുറപ്പാട്,ആറാട്ട്, വലിയ കാണിക്ക,രാത്രി 8ന് ദീപാരാധന,തുടർന്ന് കരിമരുന്ന്. 9ന് കല്യാണപുരം എസ്.അരവിന്ദൻ ആൻഡ് പാർട്ടിയുടെ സംഗീതസദസ്,11.30ന് ബാലെ.12ന് വലിയകുരുതി,തുടർന്ന് കൊടിയിറക്ക്.