ചേർത്തല: ഓട്ടോകാസ്റ്റ് റിട്ട.എംപ്ലോയീസ് വെൽഫെയർ യൂണിറ്റ് വാർഷിക സമ്മേളനം റിട്ട.ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് എൻ.കെ.പ്രകാശൻ ഉദ്ഘാടനം ചെയ്തു. ചേർത്തല വുഡ്ലാൻഡ് ഓഡിറ്റോറിയത്തിൽ നടന്ന സമ്മേളനത്തിൽ യൂണിറ്റ് പ്രസിഡന്റ് എം.എ.രാധാകൃഷ്ണൻ അദ്ധ്യക്ഷത വഹിച്ചു. സെക്രട്ടറി പി.ഉമേശൻ,ട്രഷറർ ജി.ധനപാലൻ,ജോയിന്റ് സെക്രട്ടറി ടി.പി.ഷാജി,എം.എൻ. രാജൻ എന്നിവർ സംസാരിച്ചു.
2018 മുതൽ ഗ്രാറ്റിവിറ്റിയും വിരമിക്കൽ ആനുകൂല്യങ്ങളും ലഭിക്കാത്തതിനെ തുടർന്ന് ഹൈക്കോടതിയിൽ നിന്ന് അനുകൂല വിധി ഉണ്ടായിട്ടും യഥാസമയം മാനേജ്‌മെന്റ് നടപ്പാക്കാത്തതിലും ജീവനക്കാർക്ക് അർഹതപ്പെട്ട അവകാശം സംരക്ഷിക്കുന്നതിനും മുഖ്യമന്ത്റി,വ്യവസായ മന്ത്റി എന്നിവർക്ക് നിവേദനം നൽകാനും സമ്മേളനം തീരുമാനിച്ചു.