ഹരിപ്പാട്: സ്കൂട്ടറിൽ ബസ് ഇടിച്ച് റിട്ട.ഡെപ്യൂട്ടി തഹസിൽദാർ മരിച്ചു. തൃക്കുന്നപുഴകോട്ടമുറി അക്കരക്കാരൻ പറമ്പിൽ സുഗുണാനന്ദൻ (73)ആണ് മരിച്ചത്.

തൃക്കുന്നപുഴ ശ്രീധർമ്മശാസ്ത ക്ഷേത്രം അഖില ഭാരത അയ്യപ്പ സേവ സംഘം ദേവസ്വം സെക്രട്ടറിയായിരുന്നു. തൃക്കുന്നപുഴ പാലത്തിന് കിഴക്കായി ഉച്ചയോടെയായിരുന്നു അപകടം. സുഗുണാനന്ദൻ സഞ്ചരിച്ച സ്കൂട്ടറിൽ എതിരെ വന്ന സ്വകാര്യ ബസ് ഇടിക്കുകയായിരുന്നു. ഗുരുതരമായി പരിക്കേറ്റ അദ്ദേഹത്തെ ഉടൻ തന്നെ ഹരിപ്പാട് താലൂക്ക് ആശുപത്രിയിലും തുടർന്ന് പരുമലയിലെ സ്വകാര്യആശുപത്രിയിലും എത്തിച്ചെങ്കിലും രക്ഷിക്കാനായില്ല. സംസ്‌കാരം ഇന്ന് വൈകുന്നേരം 3ന് വീട്ടുവളപ്പിൽ.

ഭാര്യ:പരേതയായ ലക്ഷ്മികുട്ടി. മക്കൾ: സുധിലാൽ തൃക്കുന്നപുഴ (ഹരിപ്പാട് ബ്ലോക്ക്‌ പഞ്ചായത്ത്‌ അംഗം), സ്മിത, സംഗീത. മരുമക്കൾ: മഞ്ജു, അനിൽ, അനീഷ്.