ഹരിപ്പാട്: മുതുകുളം ബ്ലോക്ക് പഞ്ചായത്ത്‌ 2023 - 24 വാർഷിക പദ്ധതിയിൽ ഉൾപ്പെടുത്തി നടത്തുന്ന ഗൃഹസമൃദ്ധി എന്ന പദ്ധതിയുടെ ഗുണഭോക്തൃ സംഗമം മുതുകുളം ബ്ലോക്ക് പഞ്ചായത്ത്‌ പ്രസിഡന്റ്‌ ഡി. അംബുജാക്ഷി ഉദ്ഘാടനം ചെയ്തു. ബ്ലോക്ക് പഞ്ചായത്ത്‌ വൈസ് പ്രസിഡന്റ്‌ ജി. ഉണ്ണിക്കൃഷ്ണൻ അധ്യക്ഷനായി. ക്ഷീര വികസന ഓഫിസർ പ്രിയ പദ്ധതി വിശദീകരിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഗീത ശ്രീജി, ബ്ലോക്ക് പഞ്ചായത്തംഗങ്ങളായ ബിന്ദു സുഭാഷ്, യു. അനുഷ്യ, ശ്രീജി പ്രകാശ്, സുനിൽ കൊപ്പാറേത്ത്, ബ്ലോക്ക് പഞ്ചായത്ത്‌ സെക്രട്ടറി പി. ശ്രീദേവി തുടങ്ങിയവർ സംസാരിച്ചു.