ചേർത്തല:വളവനാട് ലക്ഷ്മീ നാരായണ ക്ഷേത്രത്തിൽ ആയിരങ്ങൾ മകരപൊങ്കാല സമർപ്പിച്ച് സായൂജ്യരായി.മകര പൊങ്കാലയ്ക്ക് ചലച്ചിത്ര താരം ബിന്ദു പണിക്കർ ദീപ പ്രകാശനം നിർവഹിച്ചു. ക്ഷേത്രം മുഖ്യ രക്ഷാധികാരി വളവനാട് പ്രകാശ് സ്വാമി അനുഗ്രഹ പ്രഭാഷണം നടത്തി. മെയ് 9 മുതൽ 12 വരെ ക്ഷേത്ര സന്നിധിയിൽ നടക്കുന്ന മഹാസുകൃതഹോമ യജ്ഞത്തിന്റെ ലോഗോയുടെയും ബ്രൗഷറിന്റെയും പ്രകാശനകർമ്മം തന്ത്റി കിഴപ്പാതായപ്പിള്ളിമന ചിത്രൻ നമ്പൂതിരിയും ക്ഷേത്രം രക്ഷാധികാരിയും ചേർന്ന് നിർവഹിച്ചു. ചടങ്ങുകൾക്ക് മുഖ്യാഥിതിയായി ജർമൻ കൺസൾട്ടിംഗ് ആൻഡ് ഡെവലമെന്റ് പ്രതിനിധി ഇവ പ്രിമി​റ്റെഹോട്‌ഫെർ പങ്കെടുത്തു.ക്ഷേത്രം കാര്യദർശി പ്രജീഷ് പ്രകാശ്,പ്രസിഡന്റ് അഡ്വ. പി.പി.ബൈജു, സെക്രട്ടറി എൻ.രാജീവ്, ഖജാൻജി ഓമനക്കുട്ടൻ പനയിൽ,എക്സിക്യൂട്ടീവ് അംഗങ്ങളായ ലിതീഷ്,സജിമോൻ,സുനി എന്നിവർ നേതൃത്വം നൽകി.