കുട്ടനാട് : അയോദ്ധ്യയിലെ പ്രാണ പ്രതിഷ്ഠാ ചടങ്ങിനോടനുബന്ധിച്ച് ചക്കുളത്തുകാവ് ക്ഷേത്രത്തിൽ രാമായണ പാരായണം, അഖണ്ഡ നാമജപം, പ്രസാദവിതരണം, വൈകിട്ട് ദീപക്കാഴ്ച തുടങ്ങിയവ നടന്നു. മുഖ്യകാര്യദർശിമാരായ രാധാകൃഷ്ണൻ നമ്പൂതിരി, ഉണ്ണികൃഷ്ണൻ നമ്പൂതിരി , കാര്യദർശി മണിക്കുട്ടൻ നമ്പൂതിരി എന്നിവർ ചടങ്ങുകൾക്ക് മുഖ്യകാർമ്മികത്വം വഹിച്ചു. മേൽശാന്തിമാരായ അശോകൻ നമ്പൂതിരി, രഞ്ജിത്ത് ബി.നമ്പൂതിരി, ദുർഗ്ഗാദത്തൻ നമ്പൂതിരി, ബ്ലോക്ക് പഞ്ചായത്തംഗം അജിത് കുമാർ പിഷാരത്ത്, ഗോകുൽ, ചക്കുളത്തുകാവ് ഹരികുമാർ, രാജം രാധാകൃഷ്ണൻ, സുരേഷ് ബാബു എന്നിവർ നേതൃത്വം നൽകി