അമ്പലപ്പുഴ: ന്യൂ ചങ്ങനാശ്ശേരി വായ്പൂപൂർ സെന്റ് ജോസഫ്സ് ചർച്ച് സൺഡേ സ്കൂൾ വിദ്യാർത്ഥികളും അദ്ധ്യാപകരും പുന്നപ്ര ശാന്തി ഭവൻ സന്ദർശിച്ചു. പള്ളി വികാരി ഫാ.ജോർജ് വാത്യാക്കരി, അദ്ധ്യാപകരായ എ.സി.സിബി, രാജേഷ് ജോൺ എന്നിവരുടെ നേതൃത്വത്തിൽ 10 ഓളം വിദ്യാർത്ഥികളുമാണ് ശാന്തി ഭവൻ സന്ദർശിക്കാനെത്തിയത്.വിദ്യാർത്ഥികൾ സ്വരൂക്കൂട്ടിയ പണം ശാന്തി ഭവനിലെ അന്തേവാസികൾക്കായി ശാന്തി ഭവൻ മാനേജിംഗ് ട്രസ്റ്റി ബ്രദർ മാത്യു ആൽബിന് കൈമാറി.ശാന്തി ഭവനിലെത്തിയ അദ്ധ്യാപകർക്കും വിദ്യാർത്ഥികൾക്കും മാത്യു ആൽബിൻ നന്ദി പറഞ്ഞു.