ചേർത്തല : മൂന്ന് വധശ്രമ കേസുകൾ ഉൾപ്പെടെ 12 കേസുകളിൽ പ്രതിയായ വയലാർ പഞ്ചായത്ത് ഒമ്പതാം വാർഡിൽ കളവംകോടം ചെട്ടിശേരിച്ചിറയിൽ സച്ചു എന്ന് വിളിക്കുന്ന സുരാജിനെ (27) കാപ്പ നിയമപ്രകാരം ആറുമാസത്തേയ്ക്ക് ജയിലിലടച്ചു. ചേർത്തല,പട്ടണക്കാട്,മുഹമ്മ പൊലീസ് സ്​റ്റേഷൻ പരിധികളിൽ മൂന്ന് വധശ്രമ കേസുകൾ ഉൾപ്പെടെ 12 കേസുകളിൽ പ്രതിയാണ് സുരാജ്. അടുത്തിടെ കടക്കരപ്പള്ളിയിലെ ബാറിലുണ്ടായ ആക്രമണത്തിൽ യുവാവിനെ മഴുകൊണ്ട് വെട്ടിക്കൊലപ്പെടുത്താൻ ശ്രമിച്ച കേസിൽ റിമാൻഡിലായിരുന്നു. ഇയാളെ തിരുവനന്തപുരം സെൻട്രൽ ജയിലിലേക്ക് മാ​റ്റി.