അമ്പലപ്പുഴ: പുന്നപ്ര ശാന്തി ഭവനിൽ റിപ്പബ്ലിക് ദിനാഘോഷം നടന്നു. ട്രസ്റ്റി കൈനകരി അപ്പച്ചൻ പതാക ഉയർത്തി. മാനേജിംഗ് ട്രസ്റ്റി ബ്രദർ മാത്യു ആൽബിൻ റിപ്പബ്ലിക് ദിന സന്ദേശം നൽകി. മേരി ആൽബിൻ,​ കൈനകരി അപ്പച്ചനെ സ്വീകരിച്ചു. ശാന്തിഭവൻ അന്തേവാസിയും നേപ്പാൾ സ്വദേശിയുമായ ദഗത് സിംഗ് അദ്ദേഹത്തെ ആദരിച്ചു.പി.ഡി.പി മുൻ മണ്ഡലം പ്രസിഡന്റ് എസ്.എച്ച്.യൂസഫ് ദിൽ ഖുഷ് സംസാരിച്ചു. മധുരവിതരണവും നടന്നു.