തമിഴ്നാട്ടിൽ 19,850 കോടിയുടെ പദ്ധതികൾ
ലക്ഷദ്വീപിൽ 1150 കോടിയുടെ പദ്ധതികൾ
ന്യൂഡൽഹി: പ്രധാനമന്ത്രി നരേന്ദ്ര മോദിയുടെ തമിഴ്നാട്, ലക്ഷദ്വീപ്, കേരള സന്ദർശനം ഇന്നു മുതൽ. ഇന്ന് രാവിലെ 10.30ന് തമിഴ്‌നാട്ടിലെ തിരുച്ചിറപ്പള്ളിയിൽ നിന്നാണ് തുടക്കം. ഉച്ചയ്ക്ക് ലക്ഷദ്വീപിലും നാളെ കേരളത്തിലും എത്തും.
ഇന്ന് കാലത്ത് തിരുച്ചിറപ്പള്ളി ഭാരതിദാസൻ സർവകലാശാലയുടെ 38-ാംബിരുദദാനച്ചടങ്ങിൽ മുഖ്യാതിഥിയാകുന്ന പ്രധാനമന്ത്രി ഉച്ചയ്ക്ക് 12നു നടക്കുന്ന പൊതുപരിപാടിയിൽ, വ്യോമയാനം, റെയിൽ, റോഡ്, എണ്ണ-വാതകം, കപ്പൽവ്യാപാരം, ഉന്നത വിദ്യാഭ്യാസ മേഖല എന്നിവയുമായി ബന്ധപ്പെട്ട 19,850 കോടി രൂപയിലധികമുള്ള വികസന പദ്ധതികൾ ഉദ്ഘാടനം ചെയ്യും. ചെങ്കോട്ട-തെങ്കാശി ജഗ്ഷൻ പാത വൈദ്യുതീകരണം മലയാളികൾക്കും പ്രയോജനപ്പെടും.
3.15ന് ലക്ഷദ്വീപിലെത്തുന്ന മോദിക്ക് അഗത്തിയിൽ പൊതുപരിപാടിയുണ്ട്. നാളെ ഉച്ചയ്ക്ക് 12ന് കവരത്തിയിൽ ടെലികമ്യൂണിക്കേഷൻ, കുടിവെള്ളം, സൗരോർജം, ആരോഗ്യം തുടങ്ങിയ മേഖലകളുമായി ബന്ധപ്പെട്ടവികസന പദ്ധതികളുടെ തറക്കല്ലിടലും ഉദ്ഘാടനവും.
അന്താരാഷ്ട്ര ടെർമിനൽ
തിരുച്ചിറപ്പള്ളി അന്താരാഷ്ട്ര വിമാനത്താവളത്തിൽ 1100 കോടിയിലധികം ചെലവിൽ വികസിപ്പിച്ച രണ്ട് നിലകളുള്ള അന്താരാഷ്ട്ര ടെർമിനൽ ഉദ്ഘാടനം
റെയിൽവേ പാതി ഇരട്ടിപ്പിക്കൽ: സേലം-മാഗ്നസൈറ്റ് ജംഗ്ഷൻ-ഓമല്ലൂർ-മേട്ടൂർ അണക്കെട്ട് പാത, മധുര-തൂത്തുക്കുടിപാത, തിരുച്ചിറപ്പള്ളി-മാനാമധുരൈ-വിരുദുനഗർ, വിരുദുനഗർ-തെങ്കാശി ജംഗ്ഷൻ.ചെങ്കോട്ട-തെങ്കാശി ജങ്ഷൻ-തിരുനെൽവേലി
വൈദ്യുതീകരണം: ചെങ്കോട്ട-തെങ്കാശി ജഗ്ഷൻ-തിരുനെൽവേലി - തിരുച്ചെന്തൂർ
ദേശീയ പാതാ ഉദ്ഘാടനം: ദേശീയ പാതാ 81ൽ ട്രിച്ചി - കല്ലകം നാലുവരിപ്പാത; കല്ലകം - മീൻസുരുട്ടി ഭാഗത്ത് 4/2-വരി പാത; ദേശീയ പാതാ -785 ൽ ചെട്ടികുളം - നത്തം നാലുവരിപ്പാത, ദേശീയ പാതാ 536ൽ കാരക്കുടി-രാമനാഥപുരം രണ്ടുവരി പാത, ദേശീയ പാതാ-179എ സേലം - തിരുപ്പത്തൂർ - വാണിയമ്പാടി നാലുവരിപ്പാത
ദേശീയ പാത തറക്കല്ലിടൽ: മാമല്ലപുരം, കൽപ്പാക്കം ആണവനിലയം എന്നിവിടങ്ങളിലേക്കുള്ള ഗതാഗതത്തിനുള്ള ദേശീയ പാതാ 332എയിൽ മുഗയ്യൂർ-മരക്കാനം നാലുവരിപ്പാത
കാമരാജർ തുറമുഖത്ത് പുതിയ ബർത്ത് ഉദ്ഘാടനം
9000 കോടിയിലധികം രൂപയുടെ പെട്രോളിയം - പ്രകൃതിവാതക പദ്ധതികളുടെ തറക്കല്ലിലും ഉദ്ഘാടനവും
കൽപ്പാക്കം ഇന്ദിരാഗാന്ധി ആണവ ഗവേഷണ കേന്ദ്രത്തിൽ ഡെമോൺസ്ട്രേഷൻ ഫാസ്റ്റ് റിയാക്ടർ ഇന്ധന പുനഃസംസ്കരണ നിലയം (ഡി.എഫ്.ആർ.പി) ഉദ്ഘാടനം(400 കോടി രൂപ ചെലവിൽ പൂർണമായും ഇന്ത്യൻ ശാസ്ത്രജ്ഞർ രൂപകൽപ്പന ചെയ്തതത്).
തിരുച്ചിറപ്പള്ളി എൻ.ഐ.ടി ഹോസ്റ്റൽ ഉദ്ഘാടനം
കൊച്ചി-ലക്ഷദ്വീപ് സബ്മറൈൻ
കൊച്ചി-ലക്ഷദ്വീപ് സബ്മറൈൻ ഒപ്റ്റിക്കൽ ഫൈബർ കണക്‌ഷൻ പദ്ധതി
ലക്ഷദ്വീപിലെ കുടിവെള്ള ക്ഷാമം പരിഹരിക്കാനുതകുന്ന കടൽ വെള്ളത്തിൽ നിന്നും ഉപ്പ് വേർതിരിക്കാനുള്ള നിലയം
ലക്ഷദ്വീപിലെ ആദ്യത്തെ ബാറ്ററി പിന്തുണയുള്ള സൗരോർജ നിലയം, ഇന്ത്യൻ റിസർവ് ബറ്റാലിയൻ കോംപ്ലക്‌സിലെ പുതിയ കെട്ടിടം
കൽപേനി പ്രാഥമികാരോഗ്യ കേന്ദ്രത്തിന്റെ നവീകരണം, ആന്ദ്രോത്ത് , ചെത്‌ലാത്ത്, കദ്മത്ത്, അഗത്തി, മിനിക്കോയ് ദ്വീപുകളിൽ മാതൃകാ അങ്കണവാടികൾ (നന്ദ് ഘർ)തറക്കല്ലിടൽ.