ന്യൂഡൽഹി: രാജ്യത്ത് ആദ്യമായി​ ഹി​മാചൽ പ്ര​ദേശി​ൽ ഇ.പി​.എഫ്. അംഗങ്ങൾക്ക് ഉയർന്ന ശമ്പളത്തി​ന് ആനുപാതി​കമായുള്ള ഉയർന്ന പെൻഷൻ ലഭി​ച്ചു തുടങ്ങി. മറ്റു നടപടി​കൾ പൂർത്തി​യാക്കി​ പേ ഓർഡർ നൽകിത്തുടങ്ങിയി​രുന്നു. അതേസമയം കേരളം ഉൾപ്പെടുന്ന ഇ.പി​.എഫ് മേഖലാ ഓഫീസുകൾക്ക് കീഴി​ൽ അടക്കം ഇക്കാര്യത്തി​ൽ താമസം തുടരുകയാണ്. നേരത്തെ കണക്കുകൂട്ടി​യതി​ലും കുറവു തുകയാണ് അക്കൗണ്ടി​ൽ വന്നതെന്ന് ചൂണ്ടി​ക്കാട്ടി​ ഹിമാചൽ പ്രദേശി​ൽ പെൻഷൻകാർ കോടതി​യെ സമീപി​ക്കുമെന്നും സൂചനയുണ്ട്.

15,000 രൂപ എന്ന പരി​ധി​ക്ക് പകരം യഥാർഥ ശമ്പളത്തെ അടിസ്ഥാനമാക്കിയുള്ള ഉയർന്ന പെൻഷന് 2022 നവംബറി​ൽ സുപ്രീംകോടതി വിധി വന്നതി​നെ തുടർന്ന് 17.49 ലക്ഷം ഇ.പി​.എഫ് അംഗങ്ങൾ ജോയി​ന്റ് ഓപ്‌ഷൻ നൽകി​യി​രുന്നു. എന്നാൽ ശമ്പളവി​വരം അപ്‌ലോഡ് ചെയ്യാത്തതി​നെ തുടർന്ന് കേരളത്തി​ൽ അടക്കം 3.6 ലക്ഷം അപേക്ഷക തൊഴിലുടമകളുടെ പക്കൽ കെട്ടി​ക്കി​ടക്കുകയാണ്. വി​വരങ്ങൾ അപ്‌ലോഡ് ചെയ്യാനുള്ള സമയം കഴി​ഞ്ഞ ദി​വസമാണ് മേയ് 31വരെ നീട്ടി​യത്. നടപടി​കൾ പൂർത്തി​യാക്കി​ എന്നുമുതൽ ഉയർന്ന പെൻഷൻ ലഭി​ക്കുമെന്നത് വ്യക്തമല്ല.