ന്യൂഡൽഹി​: രാഹുൽ ഗാന്ധി നയിക്കുന്ന ഭാരത് ജോഡോ ന്യായ യാത്രയ്‌ക്ക് മണി​പ്പൂരിന് പി​ന്നാലെ അനുമതി​ നി​ഷേധി​ച്ച് അസമിലെ ബി. ജെ. പി സർക്കാരും.

സംസ്ഥാനത്തെ രണ്ട് ജി​ല്ലകളി​ൽ രാത്രി​ കണ്ടെയ്‌നർ വാഹനങ്ങൾ പാർക്ക് ചെയ്യാനുള്ള അനുമതി​ നൽകി​യി​ല്ല. അതേസമയം ഇംഫാലി​ൽ മണി​പ്പൂർ സർക്കാർ തടസമുന്നയി​ച്ചതി​നെ തുടർന്ന് തൗബലിൽ ഖോങ്‌ജോം യുദ്ധസ്മാരക സമുച്ചയത്തിന് സമീപമുള്ള സ്ഥലത്ത് യാത്രയുടെ ഉദ്ഘാടനം നടത്താൻ കോൺഗ്രസ്‌ ആലോചി​ക്കുന്നു.

യാത്രയി​ൽ പങ്കെടുക്കുന്ന രാഹുൽ ഗാന്ധി അടക്കമുള്ള നേതാക്കൾക്ക് രാത്രി​ താമസി​ക്കാനുള്ള കണ്ടെയ്‌നർ വാഹനങ്ങൾ ധേമാജി ജില്ലയിലെ ഗോഗമുഖിലെ സ്‌കൂൾ ഗ്രൗണ്ടി​ൽ പാർക്ക് ചെയ്യാൻ ആദ്യം നൽകിയ അനുമതി​ പി​ൻവലി​ച്ചു. ജോർഹട്ട് ജില്ലയിലെ ഒരു കോളജ് മൈതാനത്തി​നും അനുമതി​യി​ല്ല. നദി​മുറി​ച്ച് കടക്കാനുള്ള ജംഗാർ സർവീസ് നി​ഷേധി​ച്ചതായും അസം പ്രതി​പക്ഷ നേതാവ് ദേബബ്രത സൈകി​യ പറഞ്ഞു. കണ്ടെയ്‌നർ പാർക്ക് ചെയ്യാൻ കൃഷി​യി​ടങ്ങൾ തേടുകയാണെന്നും അദ്ദേഹം അറി​യി​ച്ചു.

ക്ളാസ് നടക്കുന്ന സമയത്ത് സ്‌കൂളുകളും കോളേജുകളും മറ്റുപരി​പാടികൾക്ക് വി​ട്ടു നൽകാറി​​​ല്ലെന്ന് അസം മുഖ്യമന്ത്രി ഹിമന്ത ബിശ്വ ശർമ്മ പ്രതി​കരി​ച്ചു. ഞായറാഴ്ച തടസമി​ല്ല. തലസ്ഥാനമായ ഗുവാഹതി​യി​ൽ ഗതാഗതക്കുരുക്ക് സൃഷ്ടി​ക്കാത്ത തരത്തി​ൽ യാത്ര രാവിലെ 8 മണിക്ക് മുമ്പ് പൂർത്തിയാക്കണം.

ആശുപത്രികളും നഴ്‌സിംഗ് ഹോമുകളും ഉള്ളതിനാൽ ബി.ജെ.പി ഉൾപ്പെടെ ആരുടെയും ഘോഷയാത്രകൾ നഗരത്തിനുള്ളിൽ അനുവദിക്കാറി​ല്ല. ആംബുലൻസ് സേവനങ്ങളെ ബാധിക്കുമെന്നും മുഖ്യമന്ത്രി​ വ്യക്തമാക്കി​. ജനുവരി 18 ന് അസമിൽ എത്തുന്ന യാത്ര എട്ട് ദിവസം 17 ജി​ല്ലകളി​ൽ പര്യടനം നടത്തുന്നുണ്ട്.