കൊച്ചി: ശ്രീനാരായണ ഗുരുവിന്റെ അവസാന സന്യാസി ശിഷ്യനും സ്വാതന്ത്ര്യസമര സേനാനിയും ഹരിജനങ്ങളുടെ ഉന്നമനത്തിനു വേണ്ടി പ്രവർത്തിച്ച് ക്രൂരമർദ്ദനത്തിന് ഇരയായി സമാധിയാവുകയും ചെയ്ത സ്വാമി ആനന്ദ തീർത്ഥന്റെ 119-ാം ജന്മദിനാഘോഷവും സ്വാമി ആനന്ദ തീർത്ഥൻ അവാർഡ് ദാനവും ഇന്ന് വൈകി​ട്ട് 6.30ന് ഇടപ്പള്ളി​ചങ്ങമ്പുഴ പാർക്കിൽ നടക്കും.

സാഹിത്യകാരൻ പെരുമാൾ മുരുഗന് പ്രൊഫ. എം.കെ.സാനു അവാർഡ് കൈമാറും. എൻ. എസ്. മാധവൻ സംസാരിക്കും. കേരള ലളിതകലാ അക്കാദമി വൈസ് ചെയർപേ്ഴ്സൺ പുഷ്പവതിയുടെ കാവ്യാർച്ചനയും ഉണ്ടാവും. കൊച്ചി​ പ്രബോധ ട്രസ്റ്റി​ന്റെ നേതൃത്വത്തിലുള്ള സ്വാമി ആനന്ദ തീർത്ഥൻ സാംസ്‌കാരിക കേന്ദ്രം ആണ് ചടങ്ങ് സംഘടിപ്പിക്കുന്നത്.