കൊച്ചി: വിവിധ പദ്ധതികളിലൂടെ ജനജീവിതം മെച്ചപ്പെടുത്തുക എന്നതാണ് സർക്കാരിന്റെ പ്രഖ്യാപിത ലക്ഷ്യമെന്ന് പിന്നോക്ക ക്ഷേമ പിന്നോക്ക വികസന വകുപ്പ് മന്ത്രി കെ. രാധാകൃഷ്ണൻ പറഞ്ഞു. തൃക്കാക്കര മണ്ഡലതല നവകേരള സദസിൽ സംസാരിക്കുകയായിരുന്നു മന്ത്രി.

നടപ്പിലാക്കുമെന്ന് പറഞ്ഞ കാര്യങ്ങൾ ഓരോ ഘട്ടത്തിലും നടപ്പാക്കി. പെൻഷൻ തുക സംബന്ധിച്ച വാഗ്ദാനം പൂർത്തീകരിച്ചു.
ആദ്യ സർക്കാർ അഞ്ച് വർഷംകൊണ്ട് 3,5154 കോടി രൂപയാണ് പെൻഷനായി നൽകിയത്. തുടർന്ന് വന്ന സർക്കാർ രണ്ടര വർഷം പിന്നിടുമ്പോൾ 2,3504 കോടി രൂപയും പെൻഷനായി നൽകി.

3,68,000 പരം ആളുകൾക്ക് പാർപ്പിടം ഉറപ്പാക്കി. നിലവിൽ ഒരു ലക്ഷത്തിലധികം ആളുകൾക്ക് പാർപ്പിടം ഉറപ്പാക്കുന്നതിനുള്ള പ്രവർത്തനങ്ങൾ നടക്കുന്നുണ്ട്. ഭരണം പൂർത്തിയാകുമ്പോഴേക്കും ആറ് ലക്ഷം പേർക്ക് ഭവനം ഉറപ്പാക്കും.

അതിദാരിദ്ര്യം നിർമാർജനം ചെയ്തു കൊണ്ടിരിക്കുകയാണ് കേരളം. നീതി ആയോഗിന്റെ കണക്കിൽ ഒരു ശതമാനത്തിൽ താഴെയാണ് അതിദരിദ്രർ. 0.71 ശതമാനം. 2025 നവംബർ ഒന്നിന് അതിദരിദ്രർ ഇല്ലാത്ത സംസ്ഥാനമായി കേരളം മാറുമെന്നും അദ്ദേഹം പറഞ്ഞു.

2025ൽ അതിദരിദ്രർ ഇല്ലാത്ത സംസ്ഥാനമാകും