കൊച്ചി: കേന്ദ്ര സർക്കാർ വെട്ടിക്കുറച്ച കേരളത്തിന്റെ സമ്പത്തിക വിഹിതം പുന:സ്ഥാപിക്കുക, പങ്കാളിത്ത പെൻഷൻ ഉപേക്ഷിക്കുക, കുടിശിക ക്ഷാമബത്ത അനുവദിക്കുക, ശമ്പള പരിഷ്‌കരണ കുടിശിക അനുവദിക്കുക തുടങ്ങിയ ആവശ്യങ്ങൾ ഉന്നയിച്ച് ഗവ. നഴ്‌സുമാർ ജില്ലാ കേന്ദ്രങ്ങളിലേക്ക് മാർച്ച് സംഘടിപ്പിച്ചു. സി.ഐ.ടി.യു ജില്ലാ പ്രസിഡന്റ് ജോൺ ഫെർണാണ്ടസ് ഉദ്ഘാടനം ചെയ്തു.

കെ.ജി.എൻ.എ ജില്ലാ പ്രസിഡന്റ് അജിത ശ്രീകുമാർ അദ്ധ്യക്ഷത വഹിച്ചു. സംസ്ഥാന കമ്മിറ്റി അംഗങ്ങളായ ടി.ഡി. ബീന, എം. അഭിലാഷ്, ബേസിൽ പി. എൽദോസ് എന്നിവർ സംസാരിച്ചു. കെ.ജി.എൻ.എ ജില്ലാ സെക്രട്ടറി സ്മിത ബക്കർ സ്വാഗതവും ജോയിന്റ് സെക്രട്ടറി എം.എ. മുഹമ്മദലി നന്ദിയും പറഞ്ഞു.