അങ്കമാലി: നിരന്തരം വാഹനാപകടമുണ്ടാകുന്ന എം സി റോഡിലെ വേങ്ങൂർ പ്രദേശത്തെ പ്രശ്നങ്ങൾ പരി​ഹരി​ക്കുന്നതി​ന് റോഡ് വിഭാഗം എൻജിനി​യർമാർ, മോട്ടോർ വാഹനവകുപ്പ് ഉദ്യോഗസ്ഥർ, പൊലീസ് അധികാരികൾ, നഗരസഭാ കൗൺസിലർമാർ റെസിഡന്റ്സ് അസോസിയേഷൻ ഭാരവാഹികൾ എന്നിവരടങ്ങുന്ന സംഘം പ്രദേശം സന്ദർശിച്ചു. അങ്കമാലിയിൽ നടന്ന നവകേരള സദസി​ൽ നഗരസഭ കൗൺസിലർ ലേഖ മധു സമർപ്പിച്ച നിവേദനത്തിന്റെ അടിസ്ഥാനത്തിലായി​രുന്നു പരി​ശോധന.
അസി.എക്സിക്യുട്ടീവ് എൻജിനി​യർ സജയ് ഘോഷ്, അസി. എൻജിനി​യർ സുബിൻ, ജോയിന്റ് ആർ.ടി.ഒ ഷോയി വർഗീസ്, എസ്.ഐ കെ. പ്രതീബ്, കൗൺസിലർമാരായ ലേഖ മധു, എ.വി. രഘു, മുൻ നഗരസഭ ചെയർമാൻ ബെന്നി മൂഞ്ഞേലി, പ്രതിപക്ഷ നേതാവ് ടി.വൈ. ഏല്യാസ്, റെസി. അസോ. ഭാരവാഹികളായ പി.ഐ. ബോസ്, എം.ജി. നാരായണൻ , വാർഡ് വികസനസമിതി അംഗങ്ങളായ ജി. ഷാജി, കെ.ആർ. ഷാജി, ബസ് ഓണേഴ്സ് അസോ. പ്രസിഡന്റ് എ.പി. ജിബി എന്നിവർ പങ്കെടുത്തു. പത്ത് വർഷത്തിനുള്ളിൽ അറുപതി​ലേറെ മനുഷ്യജീവനുകളാണ് വിവിധ വാഹനാപകടങ്ങളി​ൽ ഇവിടെ പൊലിഞ്ഞിട്ടുള്ളത്.

* തീരുമാനങ്ങൾ:

കാനയ്ക്ക് മീതെ സ്ലാബുകൾ നിർമ്മിക്കും

അപകട സൂചനാ ബോർഡ് സ്ഥാപിക്കും

റോഡിൽ നാല് ജംഗ്ഷനുകളിൽ സുരക്ഷാ

അലർട്ട് സ്ട്രിപ്പുകൾ അടിയന്തരമായി സ്ഥാപിക്കും