കുറുപ്പംപടി: തുരുത്തി ഗ്രാമോദ്ധാരണ വായനശാലയുടെ പ്ലാറ്റിനം ജൂബിലിയാഘോഷങ്ങളടെ ഭാഗമായി മുടക്കുഴ ഗവ. ആയുർവേദ ഡിസ്പൻസറിയുടെയും ആയുർവേദ മെഡിക്കൽ അസോസിയേഷൻ ഒഫ് ഇൻഡ്യ പെരുമ്പാവൂർ ഏരിയയുടെയും ആഭിമുഖ്യത്തിൽ ആയുർവേദ മെഡിക്കൽ ക്യാമ്പ് സംഘടിപ്പിച്ചു.

മുടക്കുഴ പഞ്ചായത്ത് പ്രസിഡന്റ് പി.പി. അവറാച്ചൻ ഉദ്ഘാടനം ചെയ്തു. വായനാശാല വൈസ് പ്രസിഡന്റ് എ.ബി. സനികുമാർ അദ്ധ്യക്ഷത വഹിച്ചു. പ്രസിഡന്റ് കെ.എം. വിനോജ്, ഡോ.നീതു സുബ്രഹ്മണ്യൻ, ഡോ.ബിന്ദു തോമസ്, ഡോ. എലിസബത്ത് മത്തായി, ഡോ.പി. ആർ.ഐഷ, ഡോ.ജോയിസ് കെ. ജോർജ്, ഡോ. അരുൺ രാജ്, വായനാശാലാ ഭാരവാഹികൾ തുടങ്ങിയവർ സംസാരിച്ചു