തൃപ്പൂണിത്തുറ: പീപ്പിൾസ് അർബൻ ബാങ്കിന്റെ നെട്ടൂർ ശാഖയിൽ നടന്ന സോളാർ വായ്പ മേളയും പ്രീമിയം ഇടപാടുകാരെ ആദരിക്കുന്ന ചടങ്ങും ബാങ്ക് ചെയർമാൻ ടി.സി ഷിബു ഉദ്ഘാടനം ചെയ്തു. ബാങ്ക് വൈസ് ചെയർമാൻ സോജൻ ആന്റണി അദ്ധ്യക്ഷത വഹിച്ച യോഗത്തിൽ ബാങ്ക് സി.ഇ.ഒ കെ.ജയപ്രസാദ് സ്വാഗതം പറഞ്ഞു. ബാങ്കിന്റെ പ്രീമിയം ഇടപാടുകാരനായ പ്രസിദ്ധ റൂമാറ്റിക് സ്പെഷ്യലിസ്റ്റ് ഡോ.പദ്മനാഭ ഷേണായിയെ യോഗത്തിൽ ബാങ്ക് ചെയർമാൻ ആദരിച്ചു. സോളാർ വായ്പാ വിതരണം ഭരണസമിതി അംഗങ്ങളായ ബി.എസ്. നന്ദനൻ, ഇ.കെ. ഗോകുൽദാസ്, വി.വി . ഭദ്രൻ, അഡ്വ. വി.സി. രാജേഷ്, സുമയ്യ ഹസൻ, ഇ.ടി. പ്രതീഷ് , എൻ.കെ. അബ്ദുൽ റഹിം, ബോർഡ് ഒഫ് മാനേജ്മെന്റ് ചെയർമാൻ കെ.കെ. രാമചന്ദ്രൻ, അംഗങ്ങളായ ഡോ. ശശികുമാർ, ഇ.കെ. ഗോകുലൻ എന്നിവർ ചേർന്ന് നിർവഹിച്ചു. മുൻ കെ.എസ്.ഇ.ബി സോളാർ നോഡൽ ഓഫീസർ സത്യൻ, മുൻ ഭരണസമിതി അംഗം വാർഡ് കൗൺസിലർ ഷാനവാസ്, ഹൈസിന്ത് ആന്റണി എന്നിവർ സംസാരിച്ചു. ബ്രാഞ്ച് മാനേജർ സി.പി ലിഷ നന്ദി പറഞ്ഞു.