മൂവാറ്റുപുഴ: പേഴക്കാപ്പിള്ളി പുള്ളിച്ചാലിൽ പി.കെ. ബാവ ഹാജിയുടെ വേർപാടിൽ അനുശോചനം അറിയിച്ച് മന്ത്രിമാർ. ഐ.എ.എസ് ഉദ്യോഗസ്ഥരായ പി.ബി. സലിം, പി.ബി.നൂഹ് എന്നിവരുടെ പിതാവാണ് പി.കെ. ബാവ ഹാജി. പൊതുമരാമത്ത്,​ ടൂറിസം വകുപ്പ് മന്ത്രി മുഹമ്മദ് റിയാസ്, തദ്ദേശ സ്വയംഭരണ വകുപ്പ് മന്ത്രി എം.ബി. രാജേഷ് എന്നിവരാണ് ഹാജിയുടെ വീട്ടിലെത്തി അനുശോചനം അറിയിച്ചത്. ഡി.വൈ.എഫ്.ഐ മുൻ കേന്ദ്രം കമ്മിറ്റി അംഗം എസ്.കെ. സജീഷ് , സി.പി.എം ഏരിയാ സെക്രട്ടറി കെ.പി. രാമചന്ദ്രൻ, ഏരിയാ കമ്മിറ്റി അംഗം സജി ജോർജ്, പായിപ്ര ലോക്കൽ കമ്മിറ്റി അംഗം കെ.എസ്. റഷീദ് എന്നിവർ മന്ത്രിമാരോടൊപ്പം ഉണ്ടായിരുന്നു.