മൂവാറ്റുപുഴ: എസ്.എൻ.ഡി.പി യോഗം കടാതി ശാഖയ്ക്ക് കീഴിലെ "ഗുരുസ്മൃതി" യൂണിറ്റ് കുടുംബയോഗം റാക്കാട്, എള്ളൂർക്കുടിയിൽ മനുവിന്റെ വീട്ടിൽ ചേർന്നു. പുഷ്പ സുകുമാരൻ ദീപാർപ്പണം നടത്തി. യൂണിയൻ പഞ്ചായത്ത് കമ്മിറ്റി അംഗം എം.എസ്. വിൽസൻ ഉദ്ഘാടനം ചെയ്തു. ശാഖാ പ്രസിഡന്റ് കെ.എസ്. ഷാജി അദ്ധ്യക്ഷത വഹിച്ചു. വൈസ് പ്രസിഡന്റ് അഡ്വ. ദിലീപ് എസ്. കല്ലാർ മുഖ്യപ്രഭാഷണവും സെക്രട്ടറി എം.എസ്. ഷാജി അനുഗ്രഹ പ്രഭാഷണവും നടത്തി. യൂണിയൻ കമ്മിറ്റി അംഗം എ.സി. പ്രതാപചന്ദ്രൻ , ശാഖാ കമ്മിറ്റി അംഗങ്ങളായ എം.ആർ. സമജ്, രാജേഷ്, ബിനുകുമാർ എന്നിവർ സംസാരിച്ചു. ഗിരിജ ഷാജി റിപ്പോർട്ടും കണക്കും അവതരിപ്പിച്ചു. അമൃത വിജയൻ സ്വാഗതവും വനിതാ സംഘം യൂണിയൻ പ്രതിനിധി ഷൈല പ്രതാപചന്ദ്രൻ നന്ദിയും പറഞ്ഞു.