കുറുപ്പംപടി: മുടക്കുഴ പഞ്ചായത്ത് 2024-25 സാമ്പത്തിക വർഷത്തെ വികസന സെമിനാറിൽ 10 കോടി രൂപയുടെ പദ്ധതികൾക്ക് അംഗീകാരം നൽകി. പഞ്ചായത്ത് പ്രസിഡന്റ് പി.പി. അവറാച്ചൻ ഉദ്ഘാടനം ചെയ്തു. വൈസ് പ്രസിഡന്റ് ഡോളി ബാബു അദ്ധ്യക്ഷത വഹിച്ചു. ജില്ല പഞ്ചായത്ത് അംഗം ഷൈമി വർഗീസ്, സ്ഥിരംസമിതി അദ്ധ്യക്ഷരായ ജോസ് എ. പോൾ,​ കെ.ജെ. മാത്യു, വൽസ വേലായുധൻ,​ അംഗങ്ങളായ ബിന്ദു ഉണ്ണി, വിപിൻ പരമേശ്വരൻ, സോമി ബിജു, അനാമിക ശിവൻ, രജിത ജയ്മോൻ, മുടക്കുഴ സഹകരണ ബാങ്ക് പ്രസിഡന്റ് ജോഷി തോമസ്, ആസൂത്രണ സമിതി വൈസ് ചെയർമാൻ ജോബി മാത്യു, സി.ഡി.എസ് ചെയർപേഴ്സൻ ദീപ ശ്രീജിത്ത് എന്നിവർ സംസാരിച്ചു.