തൃപ്പൂണിത്തുറ: ഓർഗനൈസേഷൻ ഫോർ ഫുഡ് സേഫ്റ്റി സൊല്യൂഷൻസ് ആൻഡ് അവയർനസ് (ഒഫ്‌സ) യുടെ ആഭിമുഖ്യത്തിൽ കുട്ടികൾക്കായി സംഘടിപ്പിക്കുന്ന ദേശീയ ഭക്ഷ്യസുരക്ഷ ബോധവത്കരണ വെബിനാർ സീരീസിന്റെ 17-ാമത് വെബിനാർ തൃപ്പൂണിത്തുറ ശ്രീവെങ്കടേശ്വര ഹൈസ്കൂളിന്റെ പങ്കാളിത്തത്തോടെ 13 ന് വൈകിട്ട് 7.30 ന് സംഘടിപ്പിക്കുമെന്ന് ഒഫ്സ ചെയർമാൻ അഡ്വ. വിവേക് കെ. വിജയൻ അറിയിച്ചു. ലഘുപത്രിക കെ. ബാബു എം.എൽ.എയും വെബിനാർ നയിക്കുന്ന ഗ്രാൻഡ്മാസ്റ്റർ തീർത്ഥാ വിവേകും ചേർന്ന് പ്രകാശനം ചെയ്തു. ഡോ.ജ്യോതി സത്യദേവി ഭക്ഷണ അലർജിയും ചർമ്മ ആരോഗ്യവും എന്ന വിഷയത്തിൽ ക്ളാസെടുക്കും.