കൊച്ചി: ദുരന്ത മേഖലകളിൽ അവശ്യ വസ്തുക്കൾ എത്തിച്ച് ഡൊണേറ്റ്കാർട്ട്, സ്വസ്തി ഹെൽത്ത് ക്യാറ്റലിസ്റ്റ് സന്നദ്ധ സംഘടനകളുടെ സംയുക്ത സംരംഭം. ബാലസോർ ട്രെയിൻ ദുരന്തത്തിൽ പരിക്കേറ്റ നൂറിലധികം ആളുകൾക്കാണ് ഈ സംയുക്ത സംരംഭം സഹായമെത്തിച്ചത്. 48 മണിക്കൂറിനുള്ളിൽ, 6,000ത്തിലധികം ഭക്ഷണപ്പൊതികളും, 4,500 കുപ്പി വെള്ളവും 775 ലിറ്റർ പാലും 4,350 പഴങ്ങളുടെ പാക്കറ്റും വിതരണം ചെയ്തു. ടാർപോളിൻ, സോപ്പ്, സാനിറ്ററി പാഡുകൾ, കൊതുക് വലകൾ, ബക്കറ്റുകൾ, ഡെന്റൽ കിറ്റുകൾ എന്നിവ ഉൾപ്പെട്ട 500 ഷെൽട്ടർ കിറ്റുകളും ലഭ്യമാക്കി.

ദുരന്തങ്ങളെത്തുടർന്നു ദുർബലമാകുന്ന സമൂഹത്തിന്റെ ആരോഗ്യവും ക്ഷേമവും ഉറപ്പാക്കാൻ പ്രതിജ്ഞാബദ്ധമാണെന്ന് സ്വസ്തി ഹെൽത്ത് ക്യാറ്റലിസ്റ്റ് നാഷണൽ സോഷ്യൽ പ്രൊട്ടക്ഷൻ കോഓർഡിനേറ്റർ ഭൂപതി പണ്ഡരിനാഥൻ പറഞ്ഞു. ആവശ്യവസ്തുക്കൾ കൃത്യസമയത്ത് എത്തിച്ച് ദുരന്തബാധിതർക്ക് പിന്തുണ നൽകുകയാണ് ലക്ഷ്യമിടുന്നതെന്ന് ഡൊണേറ്റ്കാർട്ട് സി.ഇ.ഒയും സഹസ്ഥാപകനുമായ സാരംഗ് ബോബാഡെ പറഞ്ഞു.