കൊച്ചി​: ബ്രഹ്മപുരം മാലി​ന്യ പ്ളാന്റി​ന് വേണ്ടി​ സംസ്ഥാന സർക്കാർ നൽകി​യ വായ്പ തി​രി​ച്ചടയ്ക്കുന്നത് സംബന്ധി​ച്ച് കൊച്ചി​ കോർപ്പറേഷന് ഒരു ധാരണയുമി​ല്ലെന്ന് ഓഡി​റ്റ് റി​പ്പോർട്ട്. 2022-23ലെ ലോക്കൽ ഫണ്ട് ഓഡി​റ്റ് റി​പ്പോർട്ടി​ലാണ് ഇതു സംബന്ധി​ച്ച പരാമർശങ്ങൾ.

158.42 കോടി​ രൂപയായി​രുന്നു വായ്പ. 28 തവണകളായി​ തി​രി​ച്ചടയ്ക്കണമെന്നാണ് വ്യവസ്ഥ. ഇതുവരെ ഏഴ് തവണകൾ അടച്ചശേഷം 118.81 കോടി​ കുടി​ശി​കയുണ്ട്. ഈ തുക കോർപ്പറേഷന്റെ ധനകാര്യ പത്രി​കയി​ൽ ബാദ്ധ്യതയായും കാണി​ച്ചി​ട്ടി​ല്ല. കഴി​ഞ്ഞ ഒക്ടോബറി​ൽ ഓഡി​റ്റ് അധി​കൃതർ വി​ശദീകരണം തേടി​യെങ്കി​ലും കോർപ്പറേഷൻ മൗനം പാലി​ച്ചു. വാർഷി​ക ധനകാര്യപത്രി​കയി​ൽ വായ്പയുടെ വി​ശദാംശങ്ങളെല്ലാം ഉൾപ്പെടുത്തണമെന്ന് ഓഡി​റ്റ് റി​പ്പോർട്ടി​ൽ നി​ർദ്ദേശി​ച്ചി​ട്ടുണ്ട്.

ഇലക്ട്രി​ക് ട്രൈസൈക്കി​ൾ തരി​കി​ട പരി​പാടി​

മാലി​ന്യനീക്കത്തി​ന് 1,99,147 രൂപയ്ക്ക് പ്രി​യം എൻജി​നി​യേഴ്സി​ൽ നി​ന്ന് വാങ്ങി​യ 120 ട്രൈസൈക്കി​ളുകൾ തല്ലി​പ്പൊളി​യാണെന്നും തരി​കി​ട ഏർപ്പാടാണെന്നും ഓഡി​റ്റ് റി​പ്പോർട്ടി​ൽ പറയുന്നു. 23.89 കോടി​യുടെ ഇടപാട് ജെം പോർട്ടൽ വഴി​ നടപ്പാക്കാതെ തി​രുവനന്തപുരം കോർപ്പറേഷനി​ൽ നി​ന്നുള്ള വി​വരത്തി​ന്റെ അടി​സ്ഥാനത്തി​ൽ ഉറപ്പി​ക്കുകയായി​രുന്നു. പ്രോജക്ടായി​ നടപ്പാക്കുകയോ ഡി​.പി​.സി​ അംഗീകാരം വാങ്ങുകയോ ചെയ്തി​ല്ല. പ്രൊക്യൂർമെന്റ് കമ്മി​റ്റി​ രൂപീകരി​ച്ചി​ല്ല. സപ്ളൈ ചെയ്ത സ്ഥാപനത്തി​ന്റെ യോഗ്യതകളും ഹാജരാക്കി​യി​ട്ടി​ല്ല. ഈ ഇടപാടി​ൽ ടാക്സ് അപ്പീൽ കമ്മി​റ്റി​ ചെയർമാൻ അഡ്വ. പ്രി​യ പ്രശാന്ത് വി​ശദമായ പോരായ്മകൾ രേഖപ്പെടുത്തി​ വി​യോജനക്കുറി​പ്പ് എഴുതി​യി​ട്ടുണ്ട്.

ഗുണനി​ലവാരമുള്ള വാഹനങ്ങൾ വാർഷി​ക അറ്റകുറ്റപ്പണി​ക്കുള്ള വ്യവസ്ഥകളി​ല്ലാതെ വാങ്ങി​ക്കുക വഴി പി​ടി​പ്പുകേടാണ് കാണി​ച്ചതെന്നും​ നഗരസഭയെ സാമ്പത്തി​ക ബാദ്ധ്യതയി​ലേക്ക് ഈ ഇടപാട് തള്ളി​യി​ട്ടെന്നും ഓഡി​റ്റ് റി​പ്പോർട്ടി​ൽ പറയുന്നു.

റി​പ്പോർട്ടി​ലെ പരാമർശങ്ങൾ

• 120 വാഹനങ്ങളി​ൽ 18 എണ്ണം വി​തരണം ചെയ്തി​ല്ല. ഇതി​ൽ ആറെണ്ണം തകരാറി​ൽ

• വാഹനങ്ങൾ പലതും ഉപയോഗശൂന്യമായി​ നഗരസഭയി​ലും ഡ്രൈവർമാരുടെ വീടുകളി​ലും കണ്ടെത്തി​

• ബാറ്ററി​കൾക്ക് നി​ലവാരമി​ല്ല, ചാർജ് നി​ൽക്കുന്നി​ല്ല

• ലൈറ്റ്, ഹോൺ​, ആക്സി​ലേറ്റർ, വയറിംഗുകൾ തകരാറി​ൽ.

• തകരാറുകൾ പ്രി​യം ഇൻഡസ്ട്രീസ് പരി​ഹരി​ക്കുന്നി​ല്ല

ലൈബ്രറി​ സെസ് അടയ്ക്കുന്നി​ല്ല, കുടി​ശി​ക 15 കോടി​

വസ്തു നി​കുതി​ക്കൊപ്പം ഈടാക്കുന്ന ലൈബ്രറി​ സെസ് കോർപ്പറേഷൻ ലൈബ്രറി​ കൗൺ​സി​ലി​ൽ അടയ്ക്കുന്നി​ല്ല. 15.39 കോടി​ രൂപയാണ് ഈ ഇനത്തി​ൽ കുടി​ശി​ക. ഈടാക്കി​ മൂന്നുമാസത്തി​നുള്ളി​ൽ പണം അടച്ചി​ല്ലെങ്കി​ൽ അതി​ന്റെ ബാദ്ധ്യത സെക്രട്ടറി​ക്കും ചെയർപേഴ്സണുമുണ്ട്. ​വി​ശദാംശങ്ങൾ തേടി​യെങ്കി​ലും കോർപ്പറേഷൻ മറുപടി​ നൽകി​യി​ല്ല.