തൃപ്പൂണിത്തുറ: സമഗ്രശിക്ഷ കേരളം, സ്റ്റാർട്ടപ്പ് മിഷനുമായി ചേർന്ന് ഹയർസെക്കൻഡറി കൊമേഴ്സ് വിഭാഗം കുട്ടികൾക്കായി സംരംഭകത്വ വികസനവും സാമ്പത്തിക ഭദ്രതയും ലക്ഷ്യമാക്കി ഐഡിയ 23 എന്ന മൂന്ന് ദിവസത്തെ ശില്പശാലയ്ക്ക് തുടക്കം കുറിച്ചു. മുനി​സിപ്പൽ ചെയർപേഴ്സൺ രമ സന്തോഷ് ശില്പശാല ഉദ്ഘാടനം ചെയ്തു. തൃപ്പൂണിത്തുറ ബി.ആർ.സി ട്രെയിനർ കെ.എൻ.ഷിനി ചടങ്ങി​ൽ അദ്ധ്യക്ഷയായി. ഗേൾസ് എച്ച്.എസ്.എസ് പ്രിൻസിപ്പൽ മിനി സംസാരിച്ചു. 32 കുട്ടികൾ അടങ്ങുന്ന ക്യാമ്പിൽ കൊമേഴ്സ് അദ്ധ്യാപകരായ കൃഷ്ണകുമാർ, സുരേഷ് കുമാർ, ജോബി എന്നിവർ ക്ലാസുകൾ നയിച്ചു.