മട്ടാഞ്ചേരി: സംസ്ഥാന സ്ക്കൂൾ കലോത്സവത്തിൽ വിജയികളായ കൊച്ചിയിലെ മൂന്ന് പ്രതിഭകൾക്ക് കൊച്ചിൻ ചാരിറ്റബിൾ സൊസൈറ്റിയുടെ നേതൃത്വത്തിൽ അനുമോദിച്ചു. ചുള്ളിക്കൽ ആയുഷ് യോഗ സെന്ററിൽ നടന്ന ചടങ്ങ് സിനിമാതാരം സാജൻ പള്ളുരുത്തി ഉദ്ഘാടനം ചെയ്തു. സംസ്ഥാന സ്ക്കൂൾ കലോത്സവത്തിൽ ഗസൽ ആലാപനത്തിൽ ഒന്നാംസ്ഥാനം നേടിയ ആലിയ റിയാസ് കൊച്ചി , മലയാളം കവിതാ രചനയിൽ ഒന്നാം സ്ഥാനം നേടിയ ശ്രേയ പി. വി. പുത്തൻതോട് , അറബി പദ്യം ചൊല്ലലിന് ഒന്നാം സ്ഥാനം നേടിയ ഫർസാന നിയാസ് കൊച്ചി എന്നിവർക്ക് പുരസ്കാരം നൽകി. കൊച്ചിൻ ചാരിറ്റബിൾ സൊസൈറ്റി പ്രസിഡന്റ് സലീം ഷുക്കൂർ അദ്ധ്യക്ഷത വഹിച്ചു. ചവിട്ട് നാടക കലാകാരൻ കലാശ്രീ ബ്രിട്ടോ വിൻസെന്റ് , കലാ സാംസ്കാരിക പ്രവർത്തകൻ പി. ഇ. ഹമീദ്, ഷംസു യാക്കൂബ്, രാജീവ് പള്ളുരുത്തി, എം. താഹിറ കോയ, ഡി.ഷക്കീൽ സേട്ട് , ആന്റണി പള്ളുരുത്തി, ഇ. കെ. അബ്ദുൽ കലാം, അനീഷ് കൊച്ചി എന്നിവർ സംസാരിച്ചു. ഗായിക സ്വാലിഹ് റിയാസ്, ഷീജ സുധീർ, എ സമയ്യ , ഖദീജ ഫൈസൽ , ഷൈല സലിം എന്നിവർ നേതൃത്വം നൽകി .