പിറവം: കക്കാട് മുരിങ്ങോത്തുശേരിൽ ധർമ്മദൈവ ക്ഷേത്രത്തിൽ

സർപ്പപൂജയും സർപ്പം തുള്ളലും നടത്തി. ക്ഷേത്രം തന്ത്രി ഇളമണ്ണ് ശങ്കരൻ നമ്പൂതിരി കാർമ്മികനായി. പുലർച്ചെ കൂട്ടകളമെഴുതി പൂജയും പാട്ടുമുണ്ടായി.

പാമ്പാക്കുട പി.പി.രഞ്ജന്റെ നേതൃത്വത്തിൽ പുള്ളുവവീണ, കുടം, ഇലത്താളം എന്നിവയുടെ താളമേളത്തിനൊത്ത് നാഗസ്തു‌തികൾ പാടി. പാഴൂർ പടിപ്പുര കവലയിൽ നിന്ന് കുംഭകുട താലപ്പൊലി ഘോഷയാത്ര, രാത്രി ഘണ്ഠാകർണ്ണന് തെണ്ട് നിവേദ്യം, വലിയ ഗുരുതി, ദാഹ പൂജ എന്നിവ നടന്നു. ക്ഷേത്രം ഭാരവാഹികളായ എം.എസ്. രാമചന്ദ്രൻ, പി.പി.മോഹനൻ, എം.ബി. ഗോപൻ, വി.ടി.സജി തുടങ്ങിയവർ നേതൃത്വം നൽകി.